قازاقستان رەسپۋبليكاسىنىڭ جاساندى ينتەللەكت جانە سيفرلىق دامۋ مينيسترلىگى مەن اقش-تىڭ Groq، Inc. كومپانياسى وزىق ەسەپتەۋ جۇيەلەرى مەن جاساندى ينتەللەكت سالاسىنداعى ىنتىماقتاستىقتى دامىتۋعا باعىتتالعان ءوزارا تۇسىنىستىك تۋرالى مەموراندۋمعا قول قويدى، دەپ حابارلايدى Dalanews.kz
قۇجات قازاقستاندا Groq ينفراقۇرىلىمىن ورنالاستىرۋدى، Alem.AI جانە Astana Hub بازاسىندا پيلوتتىق جوبالاردى ىسكە قوسۋدى، سونداي-اق جوعارى ءونىمدى ەسەپتەۋلەر (HPC)، جاساندى ينتەللەكتىنى دامىتۋعا ارنالعان ۇلتتىق جانە وڭىرلىك باعدارلامالاردى قولداۋ ءۇشىن «بۇلتتى» دەرەكتەر ورتالىقتارىن قۇرۋدى كوزدەيدى.
سونىمەن قاتار، Groq قازاقستاندا تەحنولوگيالاردى جەرگىلىكتەندىرۋدى جانە بىرلەسكەن جوبالاردى دامىتۋ ءۇشىن يننوۆاسيالىق ورتالىق نەمەسە رەسمي وكىلدىگىن اشۋ مۇمكىندىگىن قاراستىرۋدا.
