2025 جىلعى 30 ساۋىردە استانادا جۇمىسشى ماماندىقتار جىلى اياسىندا «قازاقستان رەسپۋبليكاسى كوللەدجدەرىنىڭ 100 ۇزدىك ستۋدەنتى» رەسپۋبليكالىق كونكۋرسىنىڭ جەڭىمپازدارىن ماراپاتتاۋ ءراسىمى ءوتتى. قازاقستان رەسپۋبليكاسى وقۋ-اعارتۋ مينيسترلىگى ۇيىمداستىرعان اۋقىمدى شاراعا ەلىمىزدىڭ بارلىق وڭىرلەرىنەن 100-دەن استام دارىندى جانە بولاشاعى زور ستۋدەنت قاتىستى. جوبانى جۇزەگە اسىرۋشى – «Talap» كەاق.
تاعدىردى وزگەرتەتىن كونكۋرس
كونكۋرستىڭ ماقساتى – تەحنيكالىق جانە كاسىپتىك ءبىلىم بەرۋ جۇيەسىندەگى دارىندى ستۋدەنتتەردى انىقتاۋ جانە قولداۋ، ولاردىڭ كاسىبي وسۋىنە جاعداي جاساۋ جانە قازاقستان ەكونوميكاسى ءۇشىن كادرلىق رەزەرۆ قالىپتاستىرۋ.
جوبانىڭ ەرەكشەلىگى – جۇيەلى تاسىلىندە. بۇل جاي عانا جارىس ەمەس، ستۋدەنتتەردى، بيزنەستى جانە مەملەكەتتى بىرىكتىرەتىن، سۇرانىسقا يە جاڭا بۋىن ماماندارىن قولداۋعا ارنالعان تۇعىرناما.
ءبىرىنشى ىرىكتەۋ كەزەڭىنە ەلىمىزدىڭ 512 كوللەدجىنەن شامامەن 2600 ستۋدەنت قاتىستى. ايماقتىق كەزەڭنىڭ قورىتىندىسى بويىنشا 809 ستۋدەنت كەلەسى كەزەڭگە ءوتتى، ال 100 ۇزدىك رەسپۋبليكالىق دەڭگەيدە جەڭىمپاز دەپ تانىلدى. قاتىسۋشىلار كادرلار دايارلاۋدىڭ نەگىزگى باعىتتارى بويىنشا ب ا ق سىنادى: سەرۆيس، اقپاراتتىق تەحنولوگيالار جانە اگروونەركاسىپ. بۇل كونكۋرس ءبىلىم مەن داعدىنى باعالاۋ عانا ەمەس، سونىمەن قاتار جاس ماماننىڭ تابىستى مانسابىنا باستار جول بولدى.
بولاشاققا باستار كوپىر
جەڭىمپازدار ءبىرقاتار بىرەگەي مۇمكىندىكتەرگە يە بولدى: ءىرى وڭىرلىك كومپانيالار مەن شاعىن جانە ورتا بيزنەس تاراپىنان جۇمىسقا ورنالاسۋ ۇسىنىستارى؛ ستارتاپتاردى دامىتۋ جانە تۇلعالىق ءوسۋ بويىنشا ترەنينگتەرگە قاتىسۋ؛ ءوڭىر اكىمدىكتەرى گرانتى ەسەبىنەن جوو-دا وقۋىن جالعاستىرۋ مۇمكىندىگى (قازىرگى تاڭدا كەلىسسوزدەر جۇرگىزىلۋدە)؛ ۇزدىك ستۋدەنتتەر جايلى يميدجدىك ەلەكتروندى جۋرنالدا جاريالانۋ.
بيزنەس - كاسىپتىك ءبىلىمنىڭ باستى سەرىكتەسى
«Talap» كەاق باسشىسى سانجار تاتيبەكوۆتىڭ ايتۋىنشا:
«بۇگىندە بيزنەس وندىرىستىك پروسەسكە بىردەن كىرىسۋگە دايىن قۇزىرەتتى ماماندارعا مۇقتاج. “توپ-100 ستۋدەنت” كونكۋرسى كوللەدجدەر مەن جۇمىس بەرۋشىلەر اراسىنداعى ءتيىمدى ارىپتەستىكتىڭ جارقىن مىسالىنا اينالدى».
كونكۋرس قازاقستاندىق كوللەدجدەردىڭ جوعارى دەڭگەيدە مامان دايىنداي الاتىنىن كورسەتتى. جەڭىمپازدار ءقازىردىڭ وزىندە «Allur» («سارىارقااۆتوپروم»)، «Qarmet» ، Rixos جانە Wyndham Garden Astana قوناقۇيلەرى، «كازسينك» جانە باسقا دا كومپانيالاردان ناقتى جۇمىس ۇسىنىستارىن الدى.
«جۇمىسشى ماماندىقتار - جاسىل بولاشاق ءۇشىن!»
جۇمىسشى ماماندىقتار جىلى اياسىندا جوبا مەملەكەت باسشىسى قاسىم-جومارت توقايەۆتىڭ باستاماسىمەن ۇيىمداستىرىلعان «تازا قازاقستان» رەسپۋبليكالىق ەكولوگيالىق اكسياسىنا قولداۋ كورسەتتى. بۇگىن «توپ-100 ستۋدەنت» قاتىسۋشىلارى ازاماتتىق جاۋاپكەرشىلىكتىڭ بەلگىسى رەتىندە «بىرلىك جانە كەلىسىم» ساياباعىندا اعاش وتىرعىزدى.
توپ-100 - بۇل جاي عانا سايىس ەمەس
بۇل – كاسىبي ءبىلىم بەرۋدىڭ ماڭىزدىلىعىن مويىنداۋ، ەڭبەك پەن بىلىمگە نەگىزدەلگەن تالانت تەك ستۋدەنتتىڭ عانا ەمەس، تۇتاس ەلدىڭ بولاشاعىن وزگەرتۋگە قاۋقارلى ەكەنىن دالەلدەۋ.
جەڭىمپازداردىڭ تولىق ءتىزىمى ۇيىمداستىرۋشىلاردىڭ رەسمي رەسۋرستارىندا جاريالانعان.
