الماتىداعى كوللەدجدەردىڭ بىرىندە وقىتۋشى ستۋدەنتتىڭ باسىنا باعىتتاپ وق اتقان ءساتتىڭ ۆيدەوسى الەۋمەتتىك جەلىدە تارادى، دەپ حابارلايدى Dalanews.kz.
اقپاراتقا سايكەس، جاعداي الماتى ساۋلەت، ديزاين جانە ينجەنەريا كوللەدجىندە العاشقى اسكەري دايىندىق ساباعى كەزىندە بولعان.
وقۋ ورنىنىڭ باسشىلىعى بۇل دەرەكتى راستادى جانە رەسمي تۇسىنىكتەمە بەردى.
كوللەدج وكىلدەرىنىڭ مالىمدەۋىنشە، اتالعان جايت وقۋ پروسەسىنە تىكەلەي قاتىسى جوق جاعدايدا بولعان. وقىتۋشى ستۋدەنتتەرمەن بەيرەسمي بايلانىس بارىسىندا شتاتتىق ءوق-دارىنى قولدانباي، پنيەۆماتيكالىق قارۋعا جۇمساق ماتەريال (ماقتا) سالىپ اتقان. سونىڭ سالدارىنان ەشكىم زارداپ شەكپەگەنى ايتىلدى.
سونداي-اق كوللەدج اكىمشىلىگى بۇل ارەكەت وقۋ ادىستەمەسىنە دە، تارتىپتىك جازاعا دا جاتپايتىنىن اتاپ ءوتتى. دەگەنمەن، پەداگوگيكالىق ادەپ نورمالارى مەن قاۋىپسىزدىك تەحنيكاسى تالاپتارىنىڭ بۇزىلعانىن مويىندادى.
