Almatydaǵy kolledjderdiń birinde oqytýshy stýdenttiń basyna baǵyttap oq atqan sáttiń videosy áleýmettik jelide tarady, dep habarlaidy Dalanews.kz.
Aqparatqa sáikes, jaǵdai Almaty sáýlet, dizain jáne injeneriia kolledjinde alǵashqy áskeri daiyndyq sabaǵy kezinde bolǵan.
Oqý ornynyń basshylyǵy bul derekti rastady jáne resmi túsinikteme berdi.
Kolledj ókilderiniń málimdeýinshe, atalǵan jait oqý protsesine tikelei qatysy joq jaǵdaida bolǵan. Oqytýshy stýdenttermen beiresmi bailanys barysynda shtattyq oq-dárini qoldanbai, pnevmatikalyq qarýǵa jumsaq material (maqta) salyp atqan. Sonyń saldarynan eshkim zardap shekpegeni aityldy.
Sondai-aq kolledj ákimshiligi bul áreket oqý ádistemesine de, tártiptik jazaǵa da jatpaitynyn atap ótti. Degenmen, pedagogikalyq ádep normalary men qaýipsizdik tehnikasy talaptarynyń buzylǵanyn moiyndady.
