قازاقستان Insider Global Education Index رەيتينگٸندە 0,092 بالل جيناپ, 18-ورىنعا يە بولدى جەنە تۇراقتى دامىپ كەلە جاتقان ەرٸ حالىقارالىق دەڭگەيدە ىقپالداسقان بٸلٸم بەرۋ جٷيەلەرٸ بار ەلدەر توبىنا ەندٸ, دەپ حابارلايدى Dalanews.kz.
توپ-20 ٸشٸندەگٸ بۇل پوزيتسييا سالانىڭ جٷيەلٸ ترانسفورماتسيياسىن جەنە ەلدٸڭ جاھاندىق بٸلٸم بەرۋ كەڭٸستٸگٸندەگٸ ىقپالىنىڭ ارتىپ كەلە جاتقانىن كٶرسەتەدٸ. قازاقستان پولشا (19-ورىن), باە (20-ورىن), سونداي-اق مەكسيكا, برازيلييا جەنە وڭتٷستٸك افريكا سيياقتى ٸرٸ ەكونوميكالاردى باسىپ وزىپ, اكادەمييالىق جەنە عىلىمي ينفراقۇرىلىمدى بەلسەندٸ دامىتىپ جاتقان نيدەرلاند (17-ورىن) پەن ساۋد ارابيياسىمەن (16-ورىن) بٸر دەڭگەيدە بەسەكەلەسۋدە.
رەيتينگ كٶشٸن ايقىن باسىمدىقپەن اقش باستاپ تۇر, ودان كەيٸن جاھاندىق بٸلٸم بەرۋ جەنە عىلىمي كٷن تەرتٸبٸن ايقىندايتىن ۇلىبريتانييا مەن قىتاي ورنالاسقان. العاشقى وندىقتا سونداي-اق گەرمانييا, اۋسترالييا, جاپونييا جەنە وڭتٷستٸك كورەيا بار, بۇل ەلدەردە زەرتتەۋ ۋنيۆەرسيتەتتەرٸنٸڭ شوعىرلانۋى جوعارى جەنە عىلىمعا سالىناتىن ينۆەستيتسييا كٶلەمٸ ايتارلىقتاي.
رەيتينگ ۋنيۆەرسيتەتتەردٸڭ QS Top 1000 تٸزٸمٸندەگٸ ٷلەسٸ, ولاردىڭ ورتاشا پوزيتسييالارى جەنە بٸلٸم بەرۋگە باعىتتالعان مەملەكەتتٸك ينۆەستيتسييالار دەڭگەيٸ سيياقتى ٷش نەگٸزگٸ پارامەتر نەگٸزٸندە قالىپتاستى. بۇل كٶرسەتكٸشتەر كادر دايارلاۋ ساپاسىمەن, عىلىمي بازامەن جەنە جوعارى وقۋ ورىندارىنىڭ حالىقارالىق ىقپالداسۋىمەن تٸكەلەي بايلانىستى.
وسى تۇرعىدا قازاقستان ٶزٸنٸڭ تۇراقتى دامۋ مودەلٸن قالىپتاستىرىپ كەلەدٸ. بٷگٸندە ەلدٸڭ 10-نان استام ۋنيۆەرسيتەتٸ QS Top 1000 قاتارىنا كٸرەدٸ, ولاردىڭ قاتارىندا ەل-فارابي اتىنداعى قازۇۋ, ل.ن. گۋميلەۆ اتىنداعى ەۇۋ جەنە Satbayev University بار. 300-800 ورىندار ارالىعى جاھاندىق بٸلٸم بەرۋ كارتاسىنداعى پوزيتسييالاردى نىعايتىپ, ودان ەرٸ ٸلگەرٸلەۋگە نەگٸز قالايدى.
جٸٶ-نٸڭ 3-4%-ى دەڭگەيٸندەگٸ تۇراقتى مەملەكەتتٸك قارجىلاندىرۋ جٷيەنٸڭ بولجامدىلىعىن قامتاماسىز ەتٸپ, جوعارى بٸلٸم بەرۋدەگٸ اۋقىمدى رەفورمالاردى قولدايدى. سونىمەن قاتار حالىقارالىق سەرٸكتەستٸكتەر كٷشەيٸپ, اكادەمييالىق ۇتقىرلىق كەڭەيٸپ, ۋنيۆەرسيتەتتەر مەن يندۋسترييا اراسىنداعى بايلانىس نىعايىپ كەلەدٸ.
قازٸرگٸ كەزەڭنٸڭ باستى ەرەكشەلٸگٸ – جاھاندىق رەيتينگتٸڭ «ورتاڭعى يادروسى» اياسىنداعى بەسەكەگە قابٸلەتتٸلٸكتٸڭ ارتۋى. مۇندا زەرتتەۋ ساپاسى, جاھاندىق ىقپالداسۋ جەنە ۋنيۆەرسيتەتتەردٸڭ حالىقارالىق عىلىمي تٸزبەكتەردٸڭ بٸر بٶلٸگٸنە اينالۋ قابٸلەتٸ شەشۋشٸ رٶل اتقارادى.
قازاقستان بەرٸك ينستيتۋتسيونالدىق نەگٸز قالىپتاستىرىپ, اكادەمييالىق بەدەلٸن ارتتىرىپ كەلەدٸ جەنە ٶڭٸردەگٸ ەڭ قارقىندى دامىپ كەلە جاتقان بٸلٸم بەرۋ ورتالىقتارىنىڭ بٸرٸ رەتٸندە ورنىعۋدا. جاھاندىق تالانتتار ٷشٸن بەسەكە كٷشەيگەن جاعدايدا دەل وسىنداي پوزيتسييالار ۇزاق مەرزٸمدٸ ەكونوميكالىق ٶسٸم مەن بٸلٸمگە نەگٸزدەلگەن ەكونوميكاعا كٶشۋ ٷشٸن بەرٸك ٸرگەتاس بولادى.
