اقش فەدەرالدىق رەزەرۆ جٷيەسٸ ٶتكەن تٷندە بازالىق مٶلشەرلەمەنٸ 25 بازيستٸك پۋنكتكە كٶتەرٸپ, 3,75–4,00% دياپازونىنا جەتكٸزدٸ. بۇل اقش-تىڭ اقشا-كرەديت ساياساتى قاتاڭداۋ تراەكتوريياسىنا تٷسكەنٸن بايقاتادى. تاڭەرتەڭ نارىق بٸردەن رەاكتسييا بەرٸپ, اقش وبليگاتسييالارىنىڭ كٸرٸستٸلٸگٸ كٶتەرٸلٸپ, دوللار نىعايدى. قازاقستاننىڭ مونەتارلىق بيلٸگٸ فرج ستاۆكاسىنىڭ ٶسەتٸنٸن الدىن-الا بولجاپ وتىرعان ەدٸ. سول بولجام راستالعاندىقتان, بٸزدٸڭ تاراپ بٷگٸننەن باستاپ وسى ستسەنارييدەگٸ ٶز جوسپارىن ٸسكە اسىرۋعا كٸرٸستٸ.
«بٸزدٸكٸلەر وعان دايىندالىپ قويعان. بٸراق قازاقستاننىڭ قازٸرگٸ قورعانىس جاستىعى بۇرىنعى جىلدارمەن سالىستىرعاندا ەلدەقايدا مىقتى. شٸلدە سوڭىندا ۇلتتىق بانكتٸڭ حالىقارالىق رەزەرۆتەرٸ شامامەن 63,7 ملرد دوللار بولدى. ونىڭ ٸشٸندە التىننىڭ قۇنى 48 ملرد دوللاردان اسادى. بۇعان ۇلتتىق قوردىڭ ۆاليۋتالىق اكتيۆتەرٸن قوسساق, رەزەرۆ كٶلەمٸ 120 ملرد دوللاردان اسادى. قازٸر بٸز فرج ستاۆكاسىنىڭ ٶسۋٸنەن نەگاتيۆ كٷتٸپ وتىرعان جوقپىز», - دەدٸ DALA INSIDE دەرەككٶزٸ.
ۇلتتىق بانك تامىزدا ۆاليۋتالىق ينتەرۆەنتسييا جاساماعان ەدٸ. تەڭگە سول ايدا 2,6%-عا نىعايىپ, بٸر دوللار 461,57 تەڭگەگە دەيٸن تٷسكەن. ال كەشە 444 دەڭگەيٸنە دەيٸن قۇلادى. وسى قىركٷيەكتە بيۋدجەت ترانسفەرتتەرٸ ٷشٸن ۇلتتىق قوردان 200-300 ملن دوللار ساتۋ جوسپارلانعان جەنە بۇعان قوسا بۇرىنعى وپەراتسييالاردى «اينا» قاعيداتى بويىنشا ٶتەۋگە بايلانىستى نارىققا ۆاليۋتالىق ۇسىنىس تٷسەدٸ. دەمەك قىسقا مەرزٸمدە ٸشكٸ نارىقتا دوللار تاپشىلىعى بايقالىپ وتىرعان جوق.
سىرتقى قارىز جاعىنان دا بٸر ماڭىزدى نيۋانس بار. قازاقستاننىڭ جالپى سىرتقى بورىشى 2026 جىلعى 1 سەۋٸردە شامامەن 182,8 ملرد دوللار بولعان. بۇل ٷلكەن سان بولىپ كٶرٸنەدٸ. بٸراق ونىڭ شامامەن 87,4 ملرد دوللارى تٸكەلەي ينۆەستيتسييا اياسىنداعى كومپانيياارالىق قارىز. ونى تٷگەلدەي ٷكٸمەت قايتارۋعا تيٸس مەملەكەتتٸك بورىش رەتٸندە قاراۋ قاتە. مەملەكەتتٸك سىرتقى قارىزدىڭ ٶزٸ كەرٸسٸنشە بيىل قىسقارىپ وتىر. ول 1 شٸلدەدە شامامەن 8,35 ترلن تەڭگە بولدى. سوندىقتان فرج ستاۆكاسىنىڭ ٶسۋٸ قازاقستاننىڭ ەرتەڭ سىرتقى بورىشىن ٶتەۋ قابٸلەتٸنە تٸكەلەي قاۋٸپ تٶندٸرٸپ تۇرعان جوق. دەگەنمەن دە, ەندٸ جاڭا دوللارلىق قارىزدار مەن ەۋروبوندتاردى ورنالاستىرۋ قىمباتتايدى.
بٸزدٸڭ وسال جەرٸمٸز تٶلەم بالانسىنا كەلٸپ تٸرەلەتٸن سيياقتى. 2026 جىلدىڭ بٸرٸنشٸ توقسانىندا اعىمداعى شوت تاپشىلىعى شامامەن 1,8 ملرد دوللارعا جەتتٸ. ونىڭ نەگٸزگٸ سەبەپتەرٸنٸڭ بٸرٸ ينۆەستيتسييالىق جوبالارعا قاجەتتٸ جابدىق پەن ارالىق تاۋارلار يمپورتىنىڭ قاتتى ٶسۋٸ ەدٸ. ەكسپورت بٸرٸنشٸ توقساندا 19,1 ملرد دوللارعا جەتسە, يمپورت $14,8 ملرد بولدى. الايدا ينۆەستيتسييالىق تابىستاردىڭ شەتەلگە شىعارىلۋى اعىمداعى شوتتى مينۋسقا تٷسٸردٸ. ۇلتتىق بانكتٸڭ باستاپقى بولجامى بويىنشا 2026 جىلى اعىمداعى شوت تاپشىلىعى جٸٶ-نٸڭ شامامەن 3,7%-ىن قۇراۋى مٷمكٸن.
سونىمەن قاتار ەكٸنشٸ توقساندا جاعدايدىڭ ەدەۋٸر جاقسارعانى بايقالادى. قازٸرگٸ ەسەپ بويىنشا II توقساندا اعىمداعى شوت شامامەن 3 ملرد دوللار پروفيتسيتكە شىعىپ, جارتىجىلدىق قورىتىندىسىندا شامامەن 1 ملرد دوللار وڭ سالدو قالىپتاسۋى تيٸس. II توقساننىڭ ناقتى دەرەگٸ وسى ايدىڭ سوڭىندا جارييالانادى.
ەزٸرگە قورعانىس جاستىعى جەتكٸلٸكتٸ. بٸراق فەدەرالدى رەزەرۆ جٷيەسٸنٸڭ ۆاشينگتونداعى تٷنگٸ شەشٸمٸ بٸزدەگٸ ۇلتتىق بانكتٸڭ بازالىق ستاۆكانى ارى قاراي جىلدام تٶمەندەتۋ مٷمكٸندٸگٸن ازايتتى. فرس ستاۆكاسى ٶسٸپ جاتقان كەزدە بٸزگە ەندٸ ستاۆكانى تٶمەن تٷسٸرۋ اسا قاۋٸپتٸ. سوندىقتان ستاۆكا بويىنشا 23 قازاندا ٶتەتٸن كوميتەت وتىرىسى قىزۋ بولاتىن سيياقتى.
