بانك جٷيەسٸ ەل ەكونوميكاسىنىڭ ماڭىزدى كٶرسەتكٸشتەرٸنٸڭ بٸرٸ سانالادى. ەكونوميكا تۇراقتى دامىعان سايىن بانكتەردٸڭ اكتيۆتەرٸ, حالىقتىڭ دەپوزيتتەرٸ مەن بەرٸلەتٸن نەسيەنٸڭ كٶلەمٸ دە ارتادى. بۇل بيزنەستٸڭ بەلسەندٸلٸگٸن, حالىقتىڭ تابىسىن جەنە قارجى جٷيەسٸنە دەگەن سەنٸمٸن اڭعارتادى, دەپ حابارلايدى dalanews.kz.
"QZ Economy. تالداۋ" تەلەگرام ارناسىنىڭ مەلٸمەتٸنشە, قازاقستان وسى تۇرعىدان ورتالىق ازييا ەلدەرٸ اراسىندا كٶش باستاپ كەلەدٸ.
2025 جىلدىڭ قورىتىندىسى بويىنشا قازاقستان بانك سەكتورىنىڭ اكتيۆتەرٸ 140 ملرد دوللاردى قۇرادى. بۇل ٶزبەكستانداعى كٶرسەتكٸشتەن (76,9 ملرد دوللار) ەكٸ ەسەگە جۋىق كٶپ. ال قىرعىزستاندا بانك اكتيۆتەرٸ 13,9 ملرد دوللار بولسا, تەجٸكستاندا 5,9 ملرد دوللاردى قۇراعان.
نەسيە پورتفەلٸ كٶلەمٸ بويىنشا دا قازاقستان بٸرٸنشٸ ورىندا. ەلدەگٸ بانكتەر بەرگەن نەسيەنٸڭ جالپى كٶلەمٸ 86 ملرد دوللارعا جەتكەن. ٶزبەكستاندا بۇل كٶرسەتكٸش 50,2 ملرد دوللار, قىرعىزستاندا – 5,8 ملرد دوللار, ال تەجٸكستاندا – 2,6 ملرد دوللار.
دەپوزيت كٶلەمٸ جاعىنان دا قازاقستان ٶڭٸردە كٶشباسشى. قازاقستان بانكتەرٸندەگٸ دەپوزيتتەر كٶلەمٸ 96,4 ملرد دوللاردى قۇرايدى. ٶزبەكستاندا بۇل كٶرسەتكٸش – 34,7 ملرد دوللار, قىرعىزستاندا – 9,9 ملرد دوللار, ال تەجٸكستاندا – 3,6 ملرد دوللار.
ساراپشىلاردىڭ نازارىن اۋدارتقان جايتتىڭ بٸرٸ – ٶزبەكستاندا دەپوزيتتەردٸڭ كٶلەمٸ نەسيە پورتفەلٸنەن ايتارلىقتاي از. بۇل بانكتەردٸڭ مەملەكەتتٸك قارجى نەمەسە سىرتقى قارىز سەكٸلدٸ ٶزگە دە قارجىلاندىرۋ كٶزدەرٸن پايدالاناتىنىن بٸلدٸرەدٸ.
ال قازاقستاندا دەپوزيتتەر مەن نەسيەلەردٸڭ كٶلەمٸ بٸر-بٸرٸنە جاقىن. بۇل بانك جٷيەسٸنٸڭ نەگٸزٸنەن حالىق پەن بيزنەستٸڭ قاراجاتىنا سٷيەنٸپ جۇمىس ٸستەيتٸنٸن كٶرسەتەدٸ.
جالپى العاندا, كٶرسەتكٸشتەر قازاقستاننىڭ بانك جٷيەسٸ اۋقىمى جاعىنان ورتالىق ازيياداعى ەڭ ٸرٸ ەرٸ ەڭ دامىعان جٷيە ەكەنٸن اڭعارتادى. مۇنداي كٶرسەتكٸش بانك سەكتورىنىڭ تۇراقتىلىعىن عانا ەمەس, ەل ەكونوميكاسىنىڭ ەلەۋەتٸن دە كٶرسەتەدٸ.
