قازاقستاندا بەنزين مەن ديزەل وتىنىنا سالىناتىن اكتسيزدٸ ەسەپتەۋ تەرتٸبٸ ٶزگەردٸ. ٶزگەرٸسكە سەيكەس اكتسيزدٸڭ ٶزگەرمەلٸ بٶلٸگٸن ەسەپتەۋ كەزٸندە قولدانىلاتىن كوەففيتسيەنت 50 پايىزدان 95 پايىزعا دەيٸن كٶتەرٸلدٸ. جاڭا تەرتٸپ 1 قىركٷيەكتەن باستاپ تۋىنداعان قۇقىقتىق قاتىناستارعا قولدانىلادى, دەپ حابارلايدى dalanews.kz.
جاڭا مەحانيزم بەنزيننٸڭ كٶتەرمە باعاسى تونناسىنا 214 584 تەڭگەدەن اسقان كەزدە ٸسكە قوسىلادى. ديزەل وتىنى ٷشٸن بۇل شەك تونناسىنا 284 350 تەڭگە بولىپ بەلگٸلەنگەن. باعا بەلگٸلەنگەن شەكتەن قانشالىق جوعارى بولسا, اكتسيز سوماسى دا سوعۇرلىم كٶبەيەدٸ.
ٶزگەرٸس جانارماي ٶندٸرۋشٸلەردٸڭ كٶتەرمە ساۋداسىنا, وتىن يمپورتىنا جەنە داۆالدىق شيكٸزاتتى ٶڭدەۋ نەتيجەسٸندە الىنعان ٶنٸمدەردٸ بەرۋگە قاتىستى بولماق. سونداي-اق, كوەففيتسيەنت ٶندٸرۋشٸلەردٸڭ بٶلشەك ساۋدا مەن وتىندى ٶز ٶندٸرٸستٸك قاجەتٸنە پايدالانعان كەزدە دە 95 پايىزعا دەيٸن كٶتەرٸلگەن.
بۇل رەتتە جانارمايدىڭ باعا شەكتەرٸ مەن نەگٸزگٸ اكتسيز مٶلشەرلەمەلەرٸ ٶزگەرگەن جوق. بەنزيندٸ ٶندٸرۋشٸ بٶلشەك ساۋدادا ساتقان كەزدە نەگٸزگٸ مٶلشەرلەمە - تونناسىنا 38 634 تەڭگە. ديزەل وتىنى ٷشٸن كٶتەرمە ساۋداداعى مٶلشەرلەمە - 35 726 تەڭگە, بٶلشەك ساۋدادا بۇل - 35 786 تەڭگە.
اكتسيز كوەففيتسيەنتٸ ٶسۋٸ جانارماي باعاسىنا ەسەر ەتە مە, جوق پا, ونى نارىقتاعى ناقتى باعا مەن ٶندٸرۋشٸلەردٸڭ شىعىنى ايقىندايدى.
