قازاقستان مەن كورەيا رەسپۋبليكاسىنىڭ پرەزيدەنتتەرٸ شاعىن قۇرامدا كەلٸسسٶز جٷرگٸزدٸ, دەپ حابارلايدى dalanews.kz.
قاسىم-جومارت توقاەۆ كورەيا رەسپۋبليكاسىنا ساپارمەن كەلۋگە شاقىرعانى ٷشٸن لي چجە ميوڭگە ريزاشىلىعىن بٸلدٸردٸ.
"كورەيا رەسپۋبليكاسى قازاقستاننىڭ ستراتەگييالىق سەرٸكتەسٸ سانالادى. حالىقتارىمىزدى ەرتەدەن بەرٸك دوستىق پەن ٶزارا تٷسٸنٸستٸك, تىعىز مەدەني-گۋمانيتارلىق قارىم-قاتىناس بايلانىستىرادى. ەلدەرٸمٸزدٸڭ اراسىندا تەك دوستىق ورناعان, ەشقانداي داۋ جوق. الدىمىزداعى ماقسات – ەكٸجاقتى قاتىناستاردى ودان ەرٸ دامىتۋ. بٷگٸن تاڭەرتەڭ جاقسى بيزنەس-فورۋم ٶتتٸ. مەنٸمەن بٸرگە كورەياعا ٷلكەن بيزنەس دەلەگاتسييا كەلدٸ. ەرتٷرلٸ سالادا ٶتە تارتىمدى جوبالار جٷزەگە اسىرىلۋدا. جوسپارىمىز دا ٶتە مىقتى. ونىڭ ٸشٸندە Alatau City جوباسىن ودان ەرٸ دامىتۋ مەسەلەسٸن جٸتٸ تالقىلادىق. بۇل – شىن مەنٸندە ٶتە قاجەتتٸ جەنە ماڭىزدى جوبا. بٸز وعان ٷلكەن مەن بەرەمٸز. قالا مەرتەبەسٸنە قاتىستى ەرەجەلەردٸ كونستيتۋتسييامىزعا ەنگٸزدٸك. زاڭ تۇرعىسىنان كورەيلٸك كومپانييالارعا بارلىق كەپٸلدٸك بەرٸلەدٸ. قازاقستاندا كورەي ۇلتىنىڭ 120 مىڭنان استام ٶكٸلٸ تۇرادى. ولارعا بارلىق جاعداي جاسالعان, كورەي دياسپوراسى – قوعامىمىزدىڭ بەلسەندٸ مٷشەلەرٸ", – دەدٸ پرەزيدەنت.
مەملەكەت باسشىسى كورەي گەنەرالى حون بوم دوعا ارنايى توقتالدى.
"حون بوم دونىڭ تاريحىمەن جاقسى تانىسپىن. ول – ناعىز قاھارمان, وتانسٷيگٸش تۇلعا. ونى جادىمىزدا ساقتاۋ ٷشٸن ٶزارا پاراساتتى ٸس اتقاردىق دەپ ايتۋعا نەگٸز بار. بۇل وقيعاعا جٷز جىلدان اسا ۋاقىت ٶتٸپ كەتسە دە, كورەي حالقى ٶز گەنەرالىن ۇمىتپاعانى تاڭعالارلىق جايت. باتىردى ەستە قالدىرۋ ٷشٸن ونىڭ سٷيەگٸن وتانىنا قايتارىپ, ازاماتتىق پارىزىمىزدى ورىندادىق", – دەدٸ قاسىم-جومارت توقاەۆ.
پرەزيدەنت ەكٸ ەلدٸڭ تٷرلٸ باعىتتاعى ىقپالداستىعىنىڭ قازٸرگٸ جاي-كٷيٸ مەن كەلەشەگٸن جوعارى باعالادى.
"ەكٸجاقتى قارىم-قاتىناسقا توقتالساق, ساپار بارىسىندا 19 ميلليارد دوللاردى قۇرايتىن كوممەرتسييالىق كەلٸسٸمدەرگە قول قويىلدى. كورەي ينۆەستورلارىنىڭ جۇمىسىنا كٶڭٸلٸمٸز تولادى, الداعى ۋاقىتتا دا وسى باعىتتاعى بايلانىستاردى جالعاستىرامىز. قوناق ٷي, مۇناي ٶڭدەۋ زاۋىتىن سالۋ جەنە قالا قۇرىلىسى بويىنشا جاقسى جوسپارلارىمىز بار. ەسٸرەسە, مەدەني-گۋمانيتارلىق ىنتىماقتاستىقتى نىعايتۋعا دەن قويامىز", – دەدٸ مەملەكەت باسشىسى.
