پرەزيدەنت قاسىم-جومارت توقاەۆ اقش پەن قازاقستان ٷكٸمەتتەرٸ اراسىنداعى كەلٸسٸمدٸ راتيفيكاتسييالادى. قۇجاتقا سەيكەس, امەريكا قۇراما شتاتتارىنا الماتى قالاسىنان كونسۋلدىق عيمارات سالۋ ٷشٸن جەر تەلٸمٸ جالعا بەرٸلەدٸ, دەپ حابارلايدى Dalanews.kz.
“مەملەكەت باسشىسى قازاقستان رەسپۋبليكاسى مەن امەريكا قۇراما شتاتتارىنىڭ ٷكٸمەتتەرٸ اراسىنداعى امەريكا قۇراما شتاتتارىنىڭ ٷكٸمەتٸنە الماتى قالاسىندا كونسۋلدىق مەكەمە قۇرىلىسىنا ارنالعان جەر تەلٸمٸن جالعا بەرۋ تۋرالى كەلٸسٸمدٸ راتيفيكاتسييالايتىن قازاقستان رەسپۋبليكاسىنىڭ زاڭىنا قول قويدى”, – دەلٸنگەن رەسمي حابارلامادا.
اتالعان زاڭنىڭ تولىق مەتٸنٸ باسپاسٶز بەتتەرٸندە جارييالانادى.
ەسكە سالا كەتەيٸك, بيىل 22 قاڭتاردا مەجٸلٸس اقش-تىڭ الماتىداعى كونسۋلدىعى ٷشٸن جەر تەلٸمٸن بەرۋ جٶنٸندەگٸ زاڭ جوباسىن تالقىلاۋعا قابىلداعان.
ال 8 مامىردا امەريكا قۇراما شتاتتارىنىڭ ٶكٸلدەرٸ كونسۋلدىقتى ٶزدەرٸ سالىپ شىعاتىنى بەلگٸلٸ بولدى. سونىمەن قاتار, اقش-تان قۇرىلىس جۇمىستارىنا كەلەتٸن ماماندارعا ٷش جىلعا ۆيزالار بەرٸلٸپ, ولاردى ۇزارتۋ مٷمكٸندٸگٸ قاراستىرىلعان.
