Prezident Qasym-Jomart Toqaev AQSh pen Qazaqstan úkimetteri arasyndaǵy kelisimdi ratifikatsiialady. Qujatqa sáikes, Amerika Qurama Shtattaryna Almaty qalasynan konsýldyq ǵimarat salý úshin jer telimi jalǵa beriledi, dep habarlaidy Dalanews.kz.
“Memleket basshysy Qazaqstan Respýblikasy men Amerika Qurama Shtattarynyń Úkimetteri arasyndaǵy Amerika Qurama Shtattarynyń Úkimetine Almaty qalasynda konsýldyq mekeme qurylysyna arnalǵan jer telimin jalǵa berý týraly kelisimdi ratifikatsiialaityn Qazaqstan Respýblikasynyń Zańyna qol qoidy”, – delingen resmi habarlamada.
Atalǵan zańnyń tolyq mátini baspasóz betterinde jariialanady.
Eske sala keteiik, biyl 22 qańtarda Májilis AQSh-tyń Almatydaǵy konsýldyǵy úshin jer telimin berý jónindegi zań jobasyn talqylaýǵa qabyldaǵan.
Al 8 mamyrda Amerika Qurama Shtattarynyń ókilderi konsýldyqty ózderi salyp shyǵatyny belgili boldy. Sonymen qatar, AQSh-tan qurylys jumystaryna keletin mamandarǵa úsh jylǵa vizalar berilip, olardy uzartý múmkindigi qarastyrylǵan.
