قازاقستان 2026 جىلدان باستاپ گەرمانيياعا ەكسپورتتالاتىن مۇناي كٶلەمٸن ۇلعايتۋعا نيەتتٸ. گفر-عا اي سايىن 130 تونناعا دەيٸن شيكٸزات جٶنەلتۋ جوسپارلانىپ وتىر, دەپ حابارلايدى Dalanews.kz.
بۇل تۋرالى "قازمۇنايگاز" ۇك اق (قمگ) باسقارما تٶراعاسى اسحات حاسەنوۆتىڭ Rosneft Deutschland GmbH باس ديرەكتورى يوحانەس برەمەرمەن كەزدەسۋٸ بارىسىندا مەلٸم بولدى.
كەلٸسسٶزدەر بارىسىندا قازاقستان مۇنايىن گەرمانيياعا تاسىمالداۋ مەسەلەلەرٸ تالقىلاندى. تاراپتار ٶزارا تيٸمدٸ سەرٸكتەستٸكتٸ كەڭەيتۋگە مٷددەلٸ ەكەنٸن بٸلدٸردٸ.
"كەزدەسۋ قورىتىندىسى بويىنشا قازاقستان مۇنايىن گەرمانيياعا جەتكٸزۋ جٶنٸندەگٸ قولدانىستاعى كەلٸسٸمشارت 2026 جىلدىڭ سوڭىنا دەيٸن ۇزارتىلدى (قاراشىعاناق پەتروليۋم وپەرەيتينگ ب.ۆ. رەسۋرسىنان). كەلٸسٸمدە مۇناي جەتكٸزۋ كٶلەمٸن ايىنا 100 مىڭ توننادان 130 مىڭ تونناعا دەيٸن ۇلعايتۋ كٶزدەلگەن", دەلٸنەدٸ ۇلتتىق كومپانييا حابارلاماسىندا.
سونىمەن قاتار 2024 جىلى قمگ قاشاعان ب.ۆ. رەسۋرسىنان, ال 2025 جىلى "تەڭٸزشەۆرويل" جشس رەسۋرسىنان دا مۇناي جٶنەلتٸلە باستاعانىن ايتا كەتكەن جٶن.
2025 جىلدىڭ توعىز ايىندا شۆەدت مۇناي ٶڭدەۋ زاۋىتىنا ەكسپورتتالعان قازاقستان مۇنايىنىڭ كٶلەمٸ شامامەن 1,5 ملن توننانى قۇرادى.
ايتا كەتسەك, 2025 جىلى 2 قازاندا مەملەكەت باسشىسى قاسىم-جومارت توقاەۆ وپەك-تٸڭ باس حاتشىسى حايتام ەل-گايستى قابىلداپ, تاراپتار ەلەمدٸك مۇناي نارىعىنىڭ قازٸرگٸ جاعدايى مەن ىنتىماقتاستىقتىڭ ٶزەكتٸ مەسەلەلەرٸن تالقىلاعان بولاتىن. پرەزيدەنت قازاقستاننىڭ ۇلتتىق مٷددەنٸ قورعاۋعا باسىمدىق بەرە وتىرىپ, مۇناي ٶندٸرۋ كٶلەمٸن بٸرتٸندەپ ۇلعايتۋ جٶنٸندەگٸ وپەك+ شەشٸمٸن قولدايتىنىن جەتكٸزگەن.
