"اق جول" فراكتسيياسى مٷشەلەرٸ پرەمەر-مينيستر ولجاس بەكتەنوۆكە دەپۋتاتتىق ساۋال جولدادى. ولار كٶتەرگەن نەگٸزگٸ مەسەلە وتاندىق كينو ٶندٸرٸسٸنە قاتىستى,- دەپ حابارلايدى Dalanews.kz.
دەپۋتات قازىبەك يسانىڭ ايتۋىنشا, كەيٸنگٸ بٸر جىلدا مەدەنيەت سالاسى نارازىلىقتار شەرۋٸنە, اقپارات سالاسى سوتتاسۋ الاڭىنا اينالعان.
سوڭعى 6 ايدىڭ ٸشٸندە مەدەنيەت قايراتكەرلەرٸ مەملەكەت باسشىسى مەن پارلامەنتتەن كٶمەك سۇراپ, 6 رەت اشىق حات جازعان.
"12 قاراشادا ەكٸ ەڭبەك ەرٸ - اسانەلٸ ەشٸموۆ پەن دۋلات يسابەكوۆ باستاعان, حالىق ەرتٸستەرٸ مەن حالىق جازۋشىلارى قوستاعان ەيگٸلٸ مەدەنيەت قايراتكەرلەرٸ كينو سالاسىنداعى قالىپتاسقان اۋىر احۋالعا نارازىلىق بٸلدٸرٸپ, مەملەكەت باسشىسىنان جاعدايدى باقىلاۋعا الۋدى سۇراپ, تاعى دا اشىق حات جازدى. وندا نە دەيدٸ?
"كينو ٶندٸرٸسٸنە جاۋاپتى ورىنداردا بۇل سالاعا قاتىسى جوق بٶگدە ادامدار وتىر, جەمقورلىق جايلاعان كينوعا بٶلٸنگەن ميللياردتاعان تەڭگە تالان-تاراجعا سالىنۋدا. بۇل سالاداعى دەگراداتسييانى توقتاتپاسا, جاعداي قيىندايتىن تٷرٸ بار. مەدەنيەت مينيسترلٸگٸ قازاق كينوسىنداعى جاعدايدى رەتتەمەك تٷگٸلٸ, باسىن الىپ قاشىپ وتىر" - دەيدٸ بەلگٸلٸ ٶنەر تارلاندارى.
اشىنعان اشىق حاتتار پرەزيدەنتكە قايتا-قايتا جازىلىپ جاتسا دا, ٷكٸمەت ٷندەمەي وتىرا بەرۋگە ٷيرەنگەن شىعار, ال حالىق ٶكٸلٸ بولعاندىقتان حالىق نارازىلىعىن پارلامەنتتە كٶتەرۋ بٸزدٸڭ نەگٸزگٸ مٸندەتٸمٸز", - دەدٸ دەپۋتات.
قازىبەك يسا "قازاقفيلمگە" قاتىستى مەسەلەنٸ كٶتەردٸ.
"مەدەنيەت مينيسترلٸگٸ ٶزدەرٸنٸڭ قاتەلٸكتەرٸنەن شىققان داۋدى تەزٸرەك شەشۋ ورنىنا, پرەزيدەنتكە تالاي ٷندەۋ جاسالىپ جاتسا دا, سوڭعى ٷندەۋدەن بەرٸ ون كٷننەن اسسا دا, مينيستر تٷگٸلٸ, مينيسترلٸكتٸڭ بٸر ٶكٸلٸ دە "قازاقفيلمگە" باس سۇقپاعان ەلٸ... بۇل مەدەنيەتتٸ قولداۋعا باسا نازار اۋدارىپ وتىرعان پرەزيدەنت توقاەۆتىڭ ەدٸلەتتٸ قازاقستان ساياساتىنا قارسى جاسالىپ وتىرعان سابوتاج ەمەس پە?!.
حاتتا جازىلعانداي, "قازاقفيلم" كينوستۋديياسىندا دا, ۇلتتىق كينونى قولداۋ ورتالىعىندا – بٸردە-بٸر كينو سالاسىنىڭ مامانى جوق. بۇل "اۋرۋحانادا بٸر دە بٸر دەرٸگەر جوق" دەگەنمەن بٸردەي سۇمدىق جاعداي ەمەس پە?! سوندا بٸز ۇلتتىق كينومىزدىڭ تاعدىرىن كٸمدەردٸڭ قولىنا تاپسىرىپ وتىرمىز?!" - دەپ اشىندى ول.
"اقجول" پارتيياسىنىڭ مٷشەسٸ "قازاقفيلمدٸ" قولمەن قۇرتىپ جاتىرمىز" دەگەن پٸكٸردە.
"ەكٸنشٸ دٷنيەجٷزٸلٸك سوعىس كەزٸندە ٷكٸمەت تٶراعاسى ن.وڭداسىنوۆ اشقان "قازاقفيلمدٸ" بەيبٸت كەزدە بٸز ٶز قولىمىزبەن قۇرتۋ ٷستٸندەمٸز.
"مەدەنيەتتٸ قورعاپ قالۋ ٷشٸن سوعىسىپ جاتىرمىز" دەگەن ەكەن دانىشپان چەرچيلل سوعىستىڭ كەزٸندە. ال قازٸر قازاق مەدەنيەت قايراتكەرلەرٸ بەيبٸت كەزەڭدە مەدەنيەتٸمٸزدٸ قورعاپ قالۋ ٷشٸن كٷرەسٸپ جاتىر? كٸمنەن قورعاۋ ٷشٸن كٷرەسۋدە? اشىق حاتتاردىڭ اشىق جازۋىنشا مەدەنيەتٸمٸزدٸ مەدەنيەتتەن حابارسىز مەدەنيەت باسشىلارىنان قورعاۋ كەرەك!
سوندا عانا ەدٸلەتتٸ قازاقستاندا ٶمٸر سٷرٸپ جاتقانىمىزعا ەل سەنە باستايدى.
ٷكٸمەت بۇل مەسەلەگە شۇعىل ارالاسىپ, جاعدايدى تۇراقتاندىرۋى تيٸس!" - دەدٸ ول.
ايتا كەتەيٸك, "قازاقفيلم" تٶڭٸرەگٸندە داۋ جيٸ شىعادى. بۇعان دەيٸن انيماتسييا بٶلٸمٸنٸڭ بٸرنەشە قىزمەتكەرٸ 7 اي بويى جالاقى الماعانىن, "التىن ادام" جوباسى ٷشٸن دە اقى الماعانىن, ٷكٸمەت بەكٸتكەن 500 ميلليون تەڭگەنٸڭ جوباسى باستالماعانىن ايتىپ شاعىمداندى.
ارتىنشا ازامات ساتىبالدى "قازاقفيلم" پرەزيدەنتٸ قىزمەتٸنەن كەتتٸ.
