جاقىندا عىلىم جەنە جوعارى بٸلٸم مينيسترلٸگٸ تٸل ساياساتى كوميتەتٸنٸڭ قولداۋىمەن قازاق تٸلٸن ٷيرەتۋگە ارنالعان Steppe Rider جەنە Steppe Games ويىندارى قولدانىسقا ەنگٸزٸلدٸ. الايدا اتالعان جوبالاردىڭ ساپاسىنا قاتىستى قوعامدا تٷرلٸ سىن پٸكٸر ايتىلا باستادى, دەپ حابارلايدى Dalanews.kz.
Steppe Rider ويىنى تۋرالى مەلٸمەت
Steppe Rider ويىنى 6–25 جاس ارالىعىنداعى پايدالانۋشىلارعا قازاق تٸلٸنٸڭ ا1 جەنە ا2 دەڭگەيلەرٸن ٷيرەتۋگە, سونداي-اق ۇلتتىق بولمىستى دەرٸپتەيتٸن مازمۇندى ەرٸ ساپالى ويىن ورتاسىن قالىپتاستىرۋعا باعىتتالعان.
جوبا كومپيۋتەرلٸك جەنە موبيلدٸ نۇسقادا ۇسىنىلىپ, قازاق تٸلٸن يننوۆاتسييالىق فورماتتا مەڭگەرۋگە ارنالعان جاڭا قۇرال رەتٸندە تانىستىرىلدى.
ويىننىڭ بارلىق فۋنكتسيونالدىق مٷمكٸندٸكتەرٸ استانا قالاسىنداعى №104 مەكتەپتٸڭ وقۋشىلارىنىڭ قاتىسۋىمەن تەستٸلەنگەن. ەزٸرلەۋشٸلەردٸڭ مەلٸمەتٸنشە, پايدالانۋشىلاردان الىنعان كەرٸ بايلانىس نەگٸزٸندە جوبا جەتٸلدٸرٸلگەن.
بەتا-تەستٸلەۋگە قاتىسۋشىلار ويىننىڭ گرافيكاسىن, ديناميكاسىن جەنە مازمۇندىق تۇتاستىعىن جوعارى باعالاعان.
جوبانى ٸسكە اسىرۋعا 20-دان استام مامان, ياعني باعدارلاماشىلار, ديزاينەرلەر, تەستٸلەۋشٸلەر, دەرەكتەر بازاسىنىڭ ساراپشىلارى جەنە پەداگوگ-ەدٸسكەرلەر تارتىلعان. وقۋ مازمۇنىنىڭ بٸلٸم بەرۋ ستاندارتتارىنا سەيكەستٸگٸ قامتاماسىز ەتٸلگەنٸ حابارلاندى.
Steppe Games قوسىمشاسى
سونىمەن قاتار قازاق تٸلٸن ٷيرەنۋگە ارنالعان Steppe Games موبيلدٸ قوسىمشاسىنىڭ رەسمي تٷردە قولجەتٸمدٸ بولعانى بەلگٸلٸ بولدى. قوسىمشانى App Store جەنە Google Play پلاتفورمالارىنان تەگٸن جٷكتەۋگە بولادى.
ەزٸرلەۋشٸلەردٸڭ ايتۋىنشا, ويىن فورماتىندا پايدالانۋشىلار قازاق تٸلٸن ٷيرەنٸپ قانا قويماي, ۇلتتىق مەدەنيەت پەن دەستٷرلەر, حالىق ويىندارىمەن دە تانىسا الادى. قوسىمشا 6 جاستان باستاپ, تٸل دەڭگەيٸنە قاراماستان بارلىق قولدانۋشىعا ارنالعان.
ديالوگتار, سيۋجەتتەر مەن كەيٸپكەرلەر تٸل ٷيرەنۋدٸ قىزىقتى مەدەني ورتا ارقىلى جەڭٸلدەتۋگە باعىتتالعان. قوسىمشانىڭ مٷمكٸندٸكتەرٸ دە №104 مەكتەپ وقۋشىلارىنىڭ قاتىسۋىمەن سىناقتان ٶتكەن.
جۋرناليست پٸكٸرٸ
الايدا جوبا قوعامدا بٸرجاقتى قابىلدانا قويعان جوق. جۋرناليست يۆان ستريجاكوۆ Steppe Rider ويىنىنا قاتىستى سىني پٸكٸر بٸلدٸردٸ.
ونىڭ ايتۋىنشا, قازاق تٸلٸن ٷيرەتۋ يدەياسى ورىندى بولعانىمەن, ويىننىڭ تەحنيكالىق ورىندالۋى مەن باسقارۋ جٷيەسٸندە كەمشٸلٸكتەر بار. سونداي-اق جۋرناليست جوباعا شامامەن جارتى ميلليون دوللار جۇمسالعانىن, الايدا قوسىمشانى جٷكتەگەندەر سانى تىم از ەكەنٸن اتاپ ٶتتٸ.
“يدەياسى جاقسى, بٸراق ٸسكە اسىرۋ جاعى ٷلكەن سۇراق تۋدىرادى. ويىن دۇرىس جۇمىس ٸستەمەيدٸ, باسقارۋى تٷسٸنٸكسٸز, كەي تۇستاردا قاتىپ قالادى. مۇنداي جوبانى جٷكتەگەندەر سانى دا ٶتە از”, - دەدٸ ول.
جۋرناليست نارىقتا بۇعان دەيٸن-اق تيٸمدٸ ەرٸ ساپالى تٸل ٷيرەتۋ قوسىمشالارى بار ەكەنٸن ايتىپ, بيۋدجەت قاراجاتىنىڭ تيٸمدٸ جۇمسالۋىنا قاتىستى سۇراق كٶتەردٸ.
