بەلگٸلٸ جۋرناليست بيگەلدٸ عابدۋللين ەلٸمٸزدەگٸ قازاق جۋرناليستيكاسى ورىس جۋرناليستيكاسىنان تٶمەن دەپ مەلٸمدەدٸ. مۇنى ول قازاق باسپاسٶزٸنٸڭ اقىن-جازۋشىلىققا بايلانىپ قالعانىمەن تٷسٸندٸردٸ. عابدۋللين بۇلاي دەپ Halyksozi.kz-كە بەرگەن سۇحباتىندا ايتقان.
"جۋرناليستيكا فاكۋلتەتٸنە كەلگەن بالالاردىڭ ماقساتى – جازۋشى, اقىن بولۋ. ال جازۋشىلىق پەن جۋرناليستيكانىڭ اراسى جەر مەن كٶكتەي. بٸراق اقىن بولا الماسام, جۋرناليست بولامىن دەپ ويلايدى. بۇل دۇرىس ەمەس. جۋرناليستيكا – بٶلەك سالا. ساناسى بار ادامدى جۋرناليست ەتٸپ تەربيەلەۋگە بولادى. ٶيتكەنٸ بۇل ماتەماتيكا, بيولوگييا نەمەسە ينجەنەرلٸك سەكٸلدٸ ماماندىق. ال اقىن, جازۋشى بولۋ – قۇدايدان كەلەتٸن قاسيەت. مىسالى, مەنٸڭ جانار دەگەن جالعىز قىزىم بار. ول امەريكاداعى بٸر وقۋ ورنىنىڭ حالىقارالىق بيزنەس دەگەن فاكۋلتەتٸندە وقىعان, سوندا بٸرٸنشٸ كۋرستا ەڭ بٸرٸنشٸ جازۋعا ٷيرەتەدٸ ەكەن دەيدٸ. ال بٸزدٸڭ جۋرناليستيكانى بٸتٸرگەندەرگە بٸردەڭە جازىپ بەر دەسەڭ, جازا المايدى. ويى بار, بەرٸ بار. تەك جازا المايدى. قاعازدان قورقادى. ال امەريكالىقتاردىڭ قالاي سٶيلەيتٸنٸن كٶرگەن بولارسىزدار. سۇحبات الساڭ, قاتىرىپ تۇرىپ سٶيلەيدٸ, جازسا, قاتىرىپ تۇرىپ جازادى. سەبەبٸ ولارعا كٸشكەنتاي اقپارات جازۋدان, ارىزعا دەيٸن جازۋدى ٷيرەتكەن. قازاق جۋرناليستيكاسىنىڭ بٸر كەمشٸلٸگٸ, قايتالاپ ايتايىن, – اقىندىق پەن جازۋشىلىق. بارلىق جۋرناليستيكانىڭ مينۋسى – وسى. مىسالى, ٷلكەن-ٷلكەن گازەتتەردە بٸر بەت ٶلەڭدەر جٷرەدٸ. مەن بۇعان قارسىمىن" دەيدٸ جۋرناليست.
سونىمەن قاتار جۋرناليس قازٸرگٸ قازاق جۋرناليستەرٸنٸڭ دامۋىنا, ٸلگەرلەۋٸنە نە كەدەرگٸ بولىپ وتىرعانىن دا ايتىپتى.
ەسكەرتۋ!
دەرەككٶزٸ: Baq.kz
