Belgili jýrnalist Bigeldi Ǵabdýllin elimizdegi qazaq jýrnalistikasy orys jýrnalistikasynan tómen dep málimdedi. Muny ol qazaq baspasóziniń aqyn-jazýshylyqqa bailanyp qalǵanymen túsindirdi. Ǵabdýllin bulai dep Halyksozi.kz-ke bergen suhbatynda aitqan.
"Jýrnalistika fakýltetine kelgen balalardyń maqsaty – jazýshy, aqyn bolý. Al jazýshylyq pen jýrnalistikanyń arasy jer men kóktei. Biraq aqyn bola almasam, jýrnalist bolamyn dep oilaidy. Bul durys emes. Jýrnalistika – bólek sala. Sanasy bar adamdy jýrnalist etip tárbieleýge bolady. Óitkeni bul matematika, biologiia nemese injenerlik sekildi mamandyq. Al aqyn, jazýshy bolý – Qudaidan keletin qasiet. Mysaly, meniń Janar degen jalǵyz qyzym bar. Ol Amerikadaǵy bir oqý ornynyń halyqaralyq biznes degen fakýltetinde oqyǵan, sonda birinshi kýrsta eń birinshi jazýǵa úiretedi eken deidi. Al bizdiń jýrnalistikany bitirgenderge birdeńe jazyp ber deseń, jaza almaidy. Oiy bar, bári bar. Tek jaza almaidy. Qaǵazdan qorqady. Al amerikalyqtardyń qalai sóileitinin kórgen bolarsyzdar. Suhbat alsań, qatyryp turyp sóileidi, jazsa, qatyryp turyp jazady. Sebebi olarǵa kishkentai aqparat jazýdan, aryzǵa deiin jazýdy úiretken. Qazaq jýrnalistikasynyń bir kemshiligi, qaitalap aitaiyn, – aqyndyq pen jazýshylyq. Barlyq jýrnalistikanyń minýsy – osy. Mysaly, úlken-úlken gazetterde bir bet óleńder júredi. Men buǵan qarsymyn" deidi jýrnalist.
Sonymen qatar jýrnalis qazirgi qazaq jýrnalisteriniń damýyna, ilgerleýine ne kedergi bolyp otyrǵanyn da aitypty.
Eskertý!
Derekkózi: Baq.kz
