وسى جيىندى باستان-اياق جٷرگٸزگەن, قازاقستان بوكس فەدەراتسيياسىنىڭ حالىقارالىق بايلانىس جٶنٸندەگٸ ٷيلەستٸرۋشٸسٸ دينارا بولاتبەكقىزى AIBA ۇيىمداستىرىپ جٷرگەن WSB جوباسىنىڭ باسشىلارى مەن ٶكٸلدەرٸنٸڭ سٶزدەرٸن تٸكەلەي قازاق تٸلٸنە اۋدارىپ وتىردى. باسقا تٸلمەن «شۇبارلاعان» جوق دەسەك تە بولادى.
سونداي-اق كۋبا فەدەراتسيياسىنىڭ پرەزيدەنتٸ مەن «Cuba Domadores» كلۋبىنىڭ باس باپكەرٸ سٶز سٶيلەگەندە دە, قازاق تٸلٸنە ٸلەسە اۋدارىپ وتىردى. «استانا ارلاندارى» كلۋبىنىڭ باس ديرەكتورى سەرٸك سەپيەۆ تە تىرىسىپ, جۇمىسى باسىنان اسىپ جاتسا دا, قازاقشاسىن تٷزەپ كەلەدٸ. ٶز سٶزٸن انا تٸلٸندە باستاپ, وسىنداي القالى جيىنداردا دا قازاق تٸلٸندە قىسىلماي سٶيلەۋگە كٶڭٸل بٶلٸپ جٷرگەندٸگٸن كٶرسەتتٸ.
[caption id="attachment_11079" align="alignleft" width="278"]
تٸپتٸ وتاندىق تەلەارنالارعا دا ٶز پٸكٸرٸن قازاق تٸلٸندە جەتكٸزەتٸن بولىپ جٷر. قازاقستان ۇلتتىق قۇراماسىنىڭ باس باپكەرٸ مىرزاعالي ايتجانوۆ پەن «استانا ارلاندارى» كلۋبىنىڭ باس باپكەرٸ مارات جاقيەۆتٸڭ ەۋ باستان تەك قازاق تٸلٸندە سٶيلەيتٸندٸكتەرٸن بٸلەسٸزدەر. سان رەت بايقادىق, باسپاسٶز جيىنىنا قاتىسىپ وتىرعان باق ٶكٸلدەرٸنٸڭ توقسان پايىزى ورىس تٸلدٸ جۋرناليستەر بولسا دا, ايتجانوۆ پەن جاقيەۆتٸڭ قازاقشاسىن بەرٸ دە تٷسٸنەدٸ...
تٸپتٸ باسپاسٶز جيىنى بارىسىندا كەزەك تيگەن كۋبانىڭ قازاقستانداعى تٶتەنشە جەنە ٶكٸلەتتٸ ەلشٸسٸ دە ٶز سٶزٸن قازاقشا «راحمەت» دەپ باستاپ, فينالدىق جەكپە-جەكتەردٸ ۇيىمداستىرۋشىلار مەن قازاقستاندىقتارعا «راحمەتٸن» جاۋدىرىپ اياقتادى. سٶيتٸپ, ەكٸ كٷنگٸ بىلعارى قولعاپ شەبەرلەرٸنٸڭ شيەلەنٸستٸ «شايقاستارىنا» ارنالعان باسپاسٶز جيىنى نەگٸزٸنەن مەملەكەتتٸك تٸلدە ٶتتٸ. ەندٸ قازاق بوكسشىلارى مٸندەتتٸ تٷردە جەڭەتٸن شىعار...
نۇرعازى ساساەۆ
