Osy jiyndy bastan-aiaq júrgizgen, Qazaqstan boks federatsiiasynyń Halyqaralyq bailanys jónindegi úilestirýshisi Dinara Bolatbekqyzy AIBA uiymdastyryp júrgen WSB jobasynyń basshylary men ókilderiniń sózderin tikelei qazaq tiline aýdaryp otyrdy. Basqa tilmen «shubarlaǵan» joq desek te bolady.
Sondai-aq Kýba federatsiiasynyń prezidenti men «Cuba Domadores» klýbynyń bas bapkeri sóz sóilegende de, qazaq tiline ilese aýdaryp otyrdy. «Astana arlandary» klýbynyń bas direktory Serik Sápiev te tyrysyp, jumysy basynan asyp jatsa da, qazaqshasyn túzep keledi. Óz sózin ana tilinde bastap, osyndai alqaly jiyndarda da qazaq tilinde qysylmai sóileýge kóńil bólip júrgendigin kórsetti.
[caption id="attachment_11079" align="alignleft" width="278"]
Tipti otandyq telearnalarǵa da óz pikirin qazaq tilinde jetkizetin bolyp júr. Qazaqstan ulttyq quramasynyń bas bapkeri Myrzaǵali Aitjanov pen «Astana arlandary» klýbynyń bas bapkeri Marat Jaqievtiń áý bastan tek qazaq tilinde sóileitindikterin bilesizder. San ret baiqadyq, baspasóz jiynyna qatysyp otyrǵan BAQ ókilderiniń toqsan paiyzy orys tildi jýrnalister bolsa da, Aitjanov pen Jaqievtiń qazaqshasyn bári de túsinedi...
Tipti baspasóz jiyny barysynda kezek tigen Kýbanyń Qazaqstandaǵy Tótenshe jáne ókiletti elshisi de óz sózin qazaqsha «rahmet» dep bastap, finaldyq jekpe-jekterdi uiymdastyrýshylar men qazaqstandyqtarǵa «rahmetin» jaýdyryp aiaqtady. Sóitip, eki kúngi bylǵary qolǵap sheberleriniń shielenisti «shaiqastaryna» arnalǵan baspasóz jiyny negizinen memlekettik tilde ótti. Endi qazaq boksshylary mindetti túrde jeńetin shyǵar...
Nurǵazy SASAEV
