استاناداعى قاجىمۇقان مۇڭايتپاسوۆ اتىنداعى ورتالىق ستاديوننىڭ جاڭا عيماراتى قايتارىلعان اكتيۆتەر ەسەبىنەن بوي كوتەرەدى. بۇل تۋرالى ق ر قارجى مينيسترلىگىنىڭ سايتىندا جاريالانعان رەسمي قۇجاتتا كورسەتىلگەن، دەپ حابارلايدى Dalanews.kz.
جوبا قۇنى – 17،3 ملرد تەڭگە.
ستاديون قۇرىلىسى مەملەكەتتىك ارنايى قور ارقىلى قارجىلاندىرىلاتىن جوبالار تىزىمىنە ەنگىزىلگەن. قۇجاتقا سايكەس، نىساننىڭ قۇرىلىسى 17،3 ميلليارد تەڭگەگە باعالانعان.
قاڭتار ايىندا ەسكى ستاديون عيماراتى تولىقتاي بۇزىلىپ، ونىڭ ورنىنا 2،2 گەكتار اۋماقتا جاڭا ارەنا تۇرعىزۋ جوسپارلانعان. قۇرىلىس جۇمىستارى 2025 جىلدىڭ سوڭىنا دەيىن اياقتالۋى ءتيىس.
جاڭا سپورت كەشەنى ءۇش قاباتتان تۇرادى جانە 3 600 ادامدى سىيدىرا الادى. ستاديوننىڭ قۇرىلىسى 15 مىڭ م² اۋماقتى قامتيدى.
ارەنا باتىس جانە شىعىس بولىكتەردەن تۇراتىن ەكى بلوكتان قۇرالادى، ولار جوعارىدان مەتالل اركامەن بىرىكتىرىلەدى. بۇل جاڭا نىسان جابىق ستاديون رەتىندە سالىنىپ، جىل بويى ءتۇرلى سپورتتىق جانە مادەني شارالاردى وتكىزۋگە مۇمكىندىك بەرەدى.
ءقازىر جوبانى ىسكە اسىرۋعا قاجەتتى دايىندىق جۇمىستارى باستالىپ كەتتى. ەگەر قۇرىلىس بەلگىلەنگەن مەرزىمدە اياقتالسا، استانا تۇرعىندارى مەن قوناقتارى زاماناۋي، كوپفۋنكسيونالدى ستاديونعا قول جەتكىزەدى.
