Astanadaǵy Qajymuqan Muńaitpasov atyndaǵy Ortalyq stadionnyń jańa ǵimaraty qaitarylǵan aktivter esebinen boi kóteredi. Bul týraly QR Qarjy ministrliginiń saitynda jariialanǵan resmi qujatta kórsetilgen, dep habarlaidy Dalanews.kz.
Joba quny – 17,3 mlrd teńge.
Stadion qurylysy memlekettik arnaiy qor arqyly qarjylandyrylatyn jobalar tizimine engizilgen. Qujatqa sáikes, nysannyń qurylysy 17,3 milliard teńgege baǵalanǵan.
Qańtar aiynda eski stadion ǵimaraty tolyqtai buzylyp, onyń ornyna 2,2 gektar aýmaqta jańa arena turǵyzý josparlanǵan. Qurylys jumystary 2025 jyldyń sońyna deiin aiaqtalýy tiis.
Jańa sport kesheni úsh qabattan turady jáne 3 600 adamdy syidyra alady. Stadionnyń qurylysy 15 myń m² aýmaqty qamtidy.
Arena batys jáne shyǵys bólikterden turatyn eki bloktan quralady, olar joǵarydan metall arkamen biriktiriledi. Bul jańa nysan jabyq stadion retinde salynyp, jyl boiy túrli sporttyq jáne mádeni sharalardy ótkizýge múmkindik beredi.
Qazir jobany iske asyrýǵa qajetti daiyndyq jumystary bastalyp ketti. Eger qurylys belgilengen merzimde aiaqtalsa, Astana turǵyndary men qonaqtary zamanaýi, kópfýnktsionaldy stadionǵa qol jetkizedi.
