Гогенٷلكەن شىعارماشىلىق تۋىندىلاردى تابيعاتىنان ٶتە دارىندى, بٸلٸمدٸ, بولمىسى ەرەكشە ادامدار جاسايتىنىن بەرٸمٸز بٸلەمٸز. بٸراق... قاي عاسىردا, قاي دەۋٸردە, قاي ۋاقىتتا بولسىن, سول تالانتتى, ينتەللەكتۋال, بولمىسى كٷردەلٸ شىعارماشىلىق يەلەرٸ جانكەشتٸ بولماسا, بەرٸ بەكەر. مەنٸڭ پول گوگەننٸڭ جانكەشتٸلٸگٸنە تاڭعالماسقا شارام جوق. قوعامى «سىندىرعىسى» كەلسە دە, سىنباعان, ٶز تالانتىنا ەرەكشە سەنگەن, ٶزٸنٸڭ سۋرەت ٶنەرٸندە «تٶڭكەرٸس» جاسايتىنىنا شەكسٸز سەنگەن وعان دەگەن قۇرمەتٸم ەرەكشە. دەۋلەتتٸ وتباسىندا دٷنيەگە كەلگەن, ەسەيگەننەن كەيٸن بيرجادا ماكلەر بولىپ, ميلليونداعان تابىس تاۋىپ, اقسٷيەكتەر ورتاسىندا زور قۇرمەتكە يە بولعان, بەس بالانىڭ ەكەسٸ پول بٸر-اق كٷندە بەرٸنەن باس تارتىپ, سۋرەتشٸ بولعىسى كەلدٸ. شابىت ٸزدەپ, ەلەمدٸ شارلاپ كەتتٸ. ەرينە, سۋرەت ٶنەرٸندە اتى جوق سۋرەتشٸنٸڭ كارتينالارىن ەشكٸم ساتىپ المادى. جوقشىلىقتان جەڭٸلدٸ, دٷنيەنٸ كەزٸپ كەلگەن كەزبە سۋرەتشٸنٸ ەيەلٸ ٷيٸنە كٸرگٸزبەدٸ. بالالارى دا تەرٸس اينالدى. «بٸز نان تاپپاي اش وتىرعاندا قايدا ەدٸڭ? بەرٸن قويشى, ەسەيگەن بالاڭنىڭ ٶلٸمٸنە سەن كٸنەلٸسٸڭ. ەگەر سەن وتباسى الدىنداعى جاۋاپكەرشٸلٸكتٸ سەزٸنگەندە, اشىقپاعاندا, اۋىرماعاندا, كٷيزەلمەگەندە ول ٶلمەس ەدٸ» دەگەن ەيەلٸنٸڭ كٸنەلاۋى ونىڭ جٷرەگٸنە قانجار بولىپ قادالدى. كەشەگٸ ميلليونەر ارزان بارلاردى جاعالاعان القاشقا اينالدى. جو-جوق, ول – قوعامى تانىعىسى كەلمەگەن, مويىنداعىسى كەلمەگەن ۇلى سۋرەتشٸ.
ەيگٸلٸ سۋرەتشٸ ۆان گوگ ونىڭ, پول گوگەننٸڭ ەلەمدٸ مويىنداتاتىن سۋرەتشٸ ەكەنٸن بٸلدٸ. بٸردە پولمەن سٶيلەسٸپ وتىرعاندا قاتتى قىزبالانىپ كەتكەن ۆان گوگ ٶز قۇلاعىن كەسٸپ تاستادى. بٷگٸنگٸ كٷندە نەمٸس ٶنەرتانۋشىلارى «ۆان گوگ ٶز قۇلاعىن ٶزٸ كەسكەن جوق, ونىڭ قۇلاعىن دوسى پول گوگەن كەستٸ» دەپ جاتىر. مەنٸڭ بٸر بٸلەرٸم: ولار ەكەۋٸ دە تابيعات ەرەكشە جاراتقان دارىندى ەدٸ, ناعىز تالانت قانا ناعىز تالانتتى مويىندايدى.
اياگٷل مانتاەۆا, جازۋشى
