قايرات ساتىبالدىنىڭ بۇرىنعى ەيەلٸ گٷلميرا ساتىبالدى تاعى قانداي كٷدٸكە ٸلٸندٸ?

نازارباەۆ ەۋلەتٸنٸڭ تاعى بٸر ٶكٸلٸ قايرات ساتىبالدىنىڭ بۇرىنعى ەيەلٸ گٷلميرا ساتىبالدىعا قاتىستى جاڭا تەرگەۋ اياقتالدى. قازٸر پروتسەسكە قاتىسۋشىلار قىلمىستىق ٸس ماتەريالدارىمەن تانىسىپ جاتىر, - دەپ حابارلايدى Dalanews.kz.

قايرات ساتىبالدىۇلىنىڭ بۇرىنعى جۇبايىنا قاتىستى ٸستٸ تەرگەۋمەن سىبايلاس جەمقورلىققا قارسى ٸس-قيمىل اگەنتتٸگٸ اينالىستى. انتيكور مەلٸمەتٸنشە, الماتى تەرگەۋ سوتىنىڭ سانكتسيياسىمەن گٷلميرا ساتىبالدى قاماۋدا وتىر.

"سىبايلاس جەمقورلىققا قارسى قىزمەت گٷلميرا ساتىبالدى مەن باسقا ادامداردى قىلمىستىق كودەكستٸڭ 126-بابى, 3-بٶلٸگٸ, 3-تارماعى ("باس بوستاندىعىنان زاڭسىز ايىرۋ ابايسىزدا جەبiرلەنۋشiنiڭ ٶلٸمٸنە نە ٶزگە دە اۋىر زارداپتارعا ەكەپ سوقسا" - ەسك.), 194-بٶلٸگٸ, 4-بٶلٸگٸ, 2-تارماعى ("قورقىتىپ الۋ, اسا iرi مٶلشەردە جاسالسا" - ەسك.) جەنە 389-بابى, 4-بٶلٸگٸندە ("ٶزiنشە بيلiك ەتۋ, وسى باپتىڭ ەكٸنشٸ نەمەسە ٷشٸنشٸ بٶلiكتەرiندە كٶزدەلگەن, اۋىر زارداپتارعا ەكەپ سوققان ٸس-ەرەكەتتەر" - ەسك.) كٶزدەلگەن قىلمىستىق قۇقىقبۇزۋشىلىقتاردى جاسادى دەگەن كٷدٸك بويىنشا تەرگەۋدٸ اياقتادى", - دەپ حابارلادى سىبايلاس جەمقورلىققا قارسى ٸس-قيمىل اگەنتتٸگٸ Tengrinews.kz-كە رەسمي ساۋالىنا جاۋابىندا.

ايتا كەتەيٸك, بۇعان دەيٸن قىزىلوردا سوتى گٷلميرا ساتىبالدىنى 8 جىلعا باس بوستاندىعىنان ايىردى.

ساتىبالدىنىڭ ٸسٸ بويىنشا سوتتالۋشىلار ورىندىعىندا 7 ادام بولدى. ولار 198-باپتىڭ 4-بٶلٸمٸ 2-تارماعى بويىنشا الدىن الا سٶز بايلاسۋ ارقىلى اسا ٸرٸ مٶلشەردە سەنٸپ تاپسىرىلعان مٷلٸكتٸ ۇرلاعانى ٷشٸن ايىپتالدى.

2018-2020 جىلدار ارالىعىندا ساتىبالدى قىزىلوردا قالاسىنداعى سىردارييا ٶزەنٸنٸڭ سول جاعالاۋىن جىلىتۋ جوباسى بويىنشا جۇمىستاردى ورىنداماعان, سەنٸپ تاپسىرىلعان مٷلٸكتٸ اسا ٸرٸ مٶلشەردە جىمقىرعان. سوتتالۋشىلار د. جەنە ب. قىزمەتتٸك جاعدايىن پايدالانىپ, اياقتالماعان جۇمىستاردى قابىلداۋ-تاپسىرۋ اكتٸسٸنە قول قويعان.

سوتتالۋشىلاردىڭ ٸس-ەرەكەتتەرٸ سالدارىنان 441 ميلليون تەڭگە كٶلەمٸندە زالال كەلتٸرگەنٸ ايتىلدى.

سوتتالۋشى س. قىلمىستىق كودەكستٸڭ 189-بابى 4-بٶلٸگٸ 2-تارماعىندا كٶزدەلگەن قىلمىستى جاساعانى ٷشٸن كٸنەلٸ دەپ تانىلدى. ول 8 جىلعا باس بوستاندىعىنان ايىرىلدى.

قالعان سوتتالۋشىلار 7 جىلعا باس بوستاندىعىنان ايىرىلدى. 

ال 441 ميلليون تەڭگە مەملەكەتكە قايتارىلدى.