Nazarbaev áýletiniń taǵy bir ókili Qairat Satybaldynyń burynǵy áieli Gúlmira Satybaldyǵa qatysty jańa tergeý aiaqtaldy. Qazir protseske qatysýshylar qylmystyq is materialdarymen tanysyp jatyr, - dep habarlaidy Dalanews.kz.
Qairat Satybaldyulynyń burynǵy jubaiyna qatysty isti tergeýmen Sybailas jemqorlyqqa qarsy is-qimyl agenttigi ainalysty. Antikor málimetinshe, Almaty tergeý sotynyń sanktsiiasymen Gúlmira Satybaldy qamaýda otyr.
"Sybailas jemqorlyqqa qarsy qyzmet Gúlmira Satybaldy men basqa adamdardy Qylmystyq kodekstiń 126-baby, 3-bóligi, 3-tarmaǵy ("Bas bostandyǵynan zańsyz aiyrý abaisyzda jábirlenýshiniń ólimine ne ózge de aýyr zardaptarǵa ákep soqsa" - esk.), 194-bóligi, 4-bóligi, 2-tarmaǵy ("Qorqytyp alý, asa iri mólsherde jasalsa" - esk.) jáne 389-baby, 4-bóliginde ("Ózinshe bilik etý, osy baptyń ekinshi nemese úshinshi bólikterinde kózdelgen, aýyr zardaptarǵa ákep soqqan is-áreketter" - esk.) kózdelgen qylmystyq quqyqbuzýshylyqtardy jasady degen kúdik boiynsha tergeýdi aiaqtady", - dep habarlady Sybailas jemqorlyqqa qarsy is-qimyl agenttigi Tengrinews.kz-ke resmi saýalyna jaýabynda.
Aita keteiik, buǵan deiin Qyzylorda soty Gúlmira Satybaldyny 8 jylǵa bas bostandyǵynan aiyrdy.
Satybaldynyń isi boiynsha sottalýshylar oryndyǵynda 7 adam boldy. Olar 198-baptyń 4-bólimi 2-tarmaǵy boiynsha aldyn ala sóz bailasý arqyly asa iri mólsherde senip tapsyrylǵan múlikti urlaǵany úshin aiyptaldy.
2018-2020 jyldar aralyǵynda Satybaldy Qyzylorda qalasyndaǵy Syrdariia ózeniniń sol jaǵalaýyn jylytý jobasy boiynsha jumystardy oryndamaǵan, senip tapsyrylǵan múlikti asa iri mólsherde jymqyrǵan. Sottalýshylar D. jáne B. qyzmettik jaǵdaiyn paidalanyp, aiaqtalmaǵan jumystardy qabyldaý-tapsyrý aktisine qol qoiǵan.
Sottalýshylardyń is-áreketteri saldarynan 441 million teńge kóleminde zalal keltirgeni aityldy.
Sottalýshy S. Qylmystyq kodekstiń 189-baby 4-bóligi 2-tarmaǵynda kózdelgen qylmysty jasaǵany úshin kináli dep tanyldy. Ol 8 jylǵa bas bostandyǵynan aiyryldy.
Qalǵan sottalýshylar 7 jylǵa bas bostandyǵynan aiyryldy.
Al 441 million teńge memleketke qaitaryldy.
