قر پارلامەنتٸ مەجٸلٸسٸنٸڭ دەلٸزٸندە قارجى مونيتورينگٸ اگەنتتٸگٸ تٶراعاسىنىڭ ورىنباسارى جەڭٸس ەلەمەسوۆ كەسٸپكەر قايرات بورانباەۆقا قاتىستى بٷگٸندەرٸ قانداي تەرگەۋلەر شارالارى جٷرگٸزٸلٸپ جاتقاندىعى تۋرالى جۋرناليستەردٸڭ قويعان سۇراعىنا جاۋاپ بەردٸ, دەپ جازادى Dalanews.kz.
جۋرناليستەر بۇعان دەيٸن بورانباەۆتىڭ بيۋدجەت قاراجاتىن ۇرلاپ, سالىق تٶلەۋدەن جالتارۋ بويىنشا كٷدٸككە ٸلٸنگەنٸن سٶزگە تيەك ەتتٸ.
"قازٸرگٸ ۋاقىتتا وعان قاتىستى قاراستىرىلىپ جاتقان قىلمىستىق ٸستەر جوق. بارلىق قىلمىستىق ٸستەر سوڭىنا جەتكەن. سالىق تٶلەۋدەن جالتارۋ مەسەلەسٸنە كەلەتٸن بولساق, ول زالال سوماسىن تولىعىمەن ٶتەگەندٸكتەن, بٸزدەگٸ قىلمىستىق كودەكستٸڭ نورماسىنا سەيكەس, وندايدا قىلمىستىق ٸستٸ توقتاتۋ تالاپ ەتٸلەدٸ", – دەدٸ ەلەمەسوۆ.
وسىلاي دەگەن قما ٶكٸلٸ قايرات بورانباەۆقا قاتىستى سوتتا دا قاراستىرىلىپ جاتقان ەشقانداي ٸس جوق ەكەنٸن ناقتىلادى.
ايتا كەتسەك,2023 جىلى قايرات بورانباەۆ اسا ٸرٸ مٶلشەردە مەملەكەت قاراجاتىن ۇرلادى جەنە قىلمىستىق كٸرٸستەردٸ زاڭداستىردى دەگەن كٷدٸكپەن ۇستالدى. تەرگەۋ دەرەكتەرٸ بويىنشا, 2019 جىلى ول ٶز يەلٸگٸندەگٸ "ازيياگاز شونجى" جشس ارقىلى گاز جەتكٸزۋ كەزٸندە QazaqGaz ۇلتتىق كومپانيياسىنىڭ قاراجاتىن جىمقىردى, كەيٸننەن ۇرلانعان 14,5 ملرد تەڭگە مٶلشەرٸندەگٸ قاراجات زاڭدى كەسٸپكەرلٸك قىزمەتتەن الىنعان قۇساپ ديۆيدەندتەردٸ بٶلۋ جەنە تٶلەۋ تٷرٸندە زاڭداستىرىلعان. "تەرگەۋ بارىسىندا كەلتٸرٸلگەن زالال تولىق كٶلەمدە ٶتەلدٸ", دەلٸنگەن قما حابارلاماسىندا.
اگەنتتٸك زاڭسىز كٸرٸستەر ەسەبٸنەن ساتىپ الىنعان شەتەلدٸك اكتيۆتەردٸ بەلگٸلەۋ جەنە بۇعاتتاۋ جۇمىستارىن جٷرگٸزٸپ جاتقانى دا ايتىلدى.
كەيٸننەن ول كٶپتەگەن اكتيۆٸن مەملەكەتكە قايتارا باستادى. مىسالى, بىلتىر قاراشادا قايرات بورانباەۆپەن بايلانىستى قاراعاندىداعى فارماتسەۆتيكالىق زاۋىت بيۋدجەتكە 105 ميلليون تەڭگەنٸ قايتاردى. بۇل اقشا بۇرىن "سپۋتنيك V" ۆاكتسيناسىنىڭ پايدالانىلماعان دوزالارى ٷشٸن بٶلٸنگەن. سول سەكٸلدٸ "ازيياگاز شونجىنى" سامۇرىق-قازىنا قورى يەلەگٸنە ٶتتٸ. سونداي-اق قايرات بورانباەۆقا تيەسٸلٸ, قۇنى 35 ملرد تەڭگە بولاتىن Phystech II مۇناي كومپانيياسى تولىعىمەن مەملەكەت بالانسىنا ٶتتٸ.
وسىلايشا تٷرلٸ ٸستەردەن باسىن ەبدەن ارشىپ العان قايرات بورانباەۆتىڭ 2024 جىلى قاراشادا بۇرىن ٶزٸ باسشىلىق ەتكەن "قايرات" فۋتبول كلۋبىنا ورالعانى بەلگٸلٸ بولدى.
