بۇرىن اسا ٸرٸ كٶلەمدە ۇرلىق جەنە اقشانى جىلىستاتقانى ٷشٸن سوتتالعان قازاقستاندىق بيزنەسمەن قايرات بورانباەۆ شارتتى تٷردە مەرزٸمٸنەن بۇرىن بوساتۋدى سۇراپ ٶتٸنٸش تٷسٸردٸ, دەپ حابارلايدى Dalanews.kz.
ەسكە سالساق, 2023 جىلدىڭ 31 ناۋرىزىندا سوت قايرات بورانباەۆتى قىلمىستىق كودەكستٸڭ بٸرنەشە بابى بويىنشا كٸنەلٸ دەپ تانىعان بولاتىن: قىلمىس جاساۋعا جەردەمدەسۋ (28-باپ, 5-بٶلٸك), اسا ٸرٸ كٶلەمدە بٶتەننٸڭ مٷلكٸن ۇرلاۋ (189-باپ, 4-بٶلٸك, 2-تارماق), سونداي-اق قىلمىستىق جولمەن تابىلعان كٸرٸستەردٸ توپپەن زاڭداستىرۋ (218-باپ, 3-بٶلٸك, 3-تارماق). وسى ايىپتاردىڭ جيىنتىعى بويىنشا ول سەگٸز جىلعا باس بوستاندىعىنان ايىرىلدى.
الايدا ماۋسىم ايىنىڭ سوڭىندا ٷكٸمنٸڭ كٷشٸ جويىلىپ, ٸس اپەللياتسييالىق تەرتٸپتە, بٸراق بٸرٸنشٸ ينستانتسييا ەرەجەلەرٸ بويىنشا قايتا قاراۋعا جٸبەرٸلدٸ.
وسىدان كەيٸن قىركٷيەك ايىندا اپەللياتسييا قورىتىندىسى بويىنشا بورانباەۆ قايتادان كٸنەلٸ دەپ تانىلىپ, التى جىلعا باس بوستاندىعىنان ايىرۋ جازاسى تاعايىندالدى.
2023 جىلعى 6 قاراشادا ٸٸم قىلمىستىق-اتقارۋ جٷيەسٸ كوميتەتٸ قايرات بورانباەۆتىڭ جازاسىن اۋىستىرۋعا بايلانىستى قىلمىستىق-اتقارۋ جٷيەسٸنٸڭ مەكەمەسٸنەن بوساتىلعانىن حابارلادى. بۇعان دەيٸن بيزنەسمەن مەملەكەتكە ميللياردتاعان اقشا مەن ونداعان بيزنەس-اكتيۆٸن ٶتكٸزگەن.
ونىڭ ٶتەلمەگەن بٶلٸگٸ بوستاندىقتى شەكتەۋ جازاسىنا اۋىستىرىلدى. ول تۇرعىلىقتى جەرٸنە ٶز بەتٸمەن بارۋ, پروباتسييا قىزمەتٸنە تٸركەلۋ جەنە ونىڭ باقىلاۋىندا بولۋعا مٸندەتتەلدٸ.
بورانباەۆتىڭ شارتتى تٷردە مەرزٸمٸنەن بۇرىن بوساتۋ تۋرالى ٶتٸنٸشٸنە بايلانىستى سوت وتىرىسى 2 قازاندا بوستاندىق اۋدانىنىڭ قىلمىستىق سوتىندا ونلاين-فورماتتا ٶتتٸ.
«سوت وتىرىسى بارىسىندا سوتتالعان ٶز ٶتٸنٸشٸن قايتارىپ الدى, وسىعان بايلانىستى سوت ونىڭ ٶتٸنٸشٸن قاراۋسىز قالدىردى», – دەدٸ الماتى قالالىق سوتىنىڭ باسپاسٶز حاتشىسى.
ەسكە سالا كەتەيٸك, بيىلعى 20 ماۋسىمدا قايرات بورانباەۆتىڭ اعاسى بيزنەسمەن مۇرات بورانباەۆ ۇستالعانى بەلگٸلٸ بولدى. ونى الماتىداعى اقىلى اۆتوتۇراقتارعا قاتىستى قىلمىستىق ٸستٸڭ نەگٸزگٸ فيگۋرانتى ەرٸ قىلمىستى ۇيىمداستىرۋشى دەپ اتايدى. مەملەكەتتٸك ساتىپ الۋ سايتىندا مۇرات بورانباەۆتىڭ 2017 جىلى «Alan Parking» جشس باسشىسى بولعانى كٶرسەتٸلگەن.
بۇعان دەيٸن اقىلى اۆتوتۇراق وپەراتورى مەملەكەت مەنشٸگٸندە بولعان.
كەيٸن الماتى ەكٸمدٸگٸ «الماتى سپەتستەحپاركينگ سەرۆيس» كومپانيياسىنىڭ 70 پايىزى جەنە «Alan Parking»-تٸڭ 100 پايىزى قالانىڭ مەنشٸگٸنە قايتارىلعانىن حابارلادى.
