بۇگىندە تەمىر سالاسىنداعى قاۋىپسىزدىك جايىندا پوستكەڭەستىك اۋماقتا جانە شەتەلدىك مامانداندىلىعان عىلىمي باسىلىمدار، ب ا ق جانە تاقىرىپتىق بولگتاردا كوپەتەگەن ماقالالار جاريالاناتىنى بەلگىلى. ارينە، كەز كەلگەن ەل ءۇشىن تاۋەكەلى زور نەگىزگى باعىتتاردىڭ ءوز ەرەكشەلەگى مەن كەشەندى ماسەلەسى، ترانسپورت سالاسىنداعى بازالىق ۇعىم-تۇسىنىگى بولاتىنىن دا ەستەن شىعارماعان ابزال.
تەمىر جول سالاسىنداعى قاۋىپسىزدىكتى ساقتاۋدا الدىن الۋ شارالارىنىڭ الاتىن ورىنى ەرەكشە. تەمىر جولى بويىندا ورىن العان توتەنشە وقيعالاردى جەدەل زەرتتەۋ، كادرلىق ساياسات جانە قاۋىپسىزدىك ماسەلەسىنە جاناما اسەر ەتەتىن ناقتى رەگلامەنتتەردى (قاۋىپسىزدىك ەرجەلەرىن ساقتاۋدى ۇدايى تەكسەرۋ، جۇمىس كۇنىن بەلگىلەۋ، بىلىكتىلىگى جەتىلگەن كادرلاردى سۇرىپتاۋ سۇزگىسىن قالىپتاستىرۋ)، جۇمىس بارىسىنا ساپالى مونيتورينگ جۇرگىزدى قاتاڭ تۇردە ساقتاۋدىڭ ماڭىزى زور.
ەلمىزدەگى جەتەكشى ۇلتتىق تارناسپورتتىق كومپانيا 1990 جىلدان بەرى تەمىر جول سالاسىنداعى قاۋىپسىزدىك سالاسىنا باسا كوڭىل ءبولىپ كەلەدى. مەملەكەت قازاقستاننىڭ تەمىر جول سالاسىنىڭ توپ-مەنەدجەرلەرىنە بازالىق تاپسىرمالار جۇكتەپ، الەۋمەتتىك ساياساتتى جۇزەگە اسىرىپ، ەلىمىزدەگى تەمىر جول سالاسى زامان تالابىنا ساي جۇمىس دامىتۋدى، ەل ازاماتتارىن ا نۇكتەسىنەن ۆ نۇكتەسىنە جەتكىزۋدە قاۋىپسىزدىگى مەن جايلى جەتۋىن قامتاماسىز ەتۋدى قاتاڭ تۇردە تالاپ ەتۋدە.
بۇگىندە قازاقستاندىقتار ءۇشىن تەمىر جول سالاسى قالالار مەن اۋىلداردى، ءتىپتى كورشىلەس ەلدەردى بىر-بىرىمەن جالعاۋشى نەگىزگى كولىك قۇرالى ەكەنى بەلگىلى. ەل ازاماتتارىنىڭ باسىم كوپشىلىگى جولعا شىققاندا تەمىر جول كولىگىن پايدالانادى. سول سەبەپتى مەملەكەت ۇلتتىق كومپانيادان ەل ازاماتتارىنىڭ جاعدايىنا بايلانىستى تاريف ساياساتى مەن جولاۋشىلارعا قاراپايىم قولايلى جاعداي جاساۋدى (ساپالى قىزمەت جىل وتكەن سايىن ارتىپ كەلەدى، بۇل رەتتە ءبىرىنشى كەزەكەت تالاپ ەتىلەتىن – تازالىق، ءدال ۋاقىتىندا جولعا شىعۋ مەن جەتۋ، ترانسپورت سالاسىنداعى قىلمىستىڭ الدىن الۋدى اتاپ ايتۋعا بولادى) تاپسىرعان بولاتىن.
سوڭعى ۋاقىتتارى مەملەكەت پەن قومعام تاراپىنان تەمىر جول سالاسىنا تەحنيكالىق قاۋىپسىزدىكتى ساقتاۋ ماسەلەسى كۇرت وسكەنىن بايقاۋعا بولادى. سول سەبەپتى قتج-نىڭ باسقارما ءتوراعاسىنىڭ ورىنباسارى سەرىك ابدەنوۆ جانە وزگە دە توپ-مەنەدجەرلەردىڭ، مەملەكەتتىك رەتتەۋشى ورگانداردىڭ بۇل ماسەلەنى قوعام الدىندا ءجيى اشىق تالقىلاپ، ۇدايى تەكسەرىستەر جۇرگىزىپ كەلەدى.
بۇگىندە بۇل باعىتتاعى جۇمىستار ءوزىنىڭ وڭ ناتيجەسىن بەرىپ، ەلىمىزدىڭ تەمىر جول سالاسىندا قاۋىپسىزدىك قىزمەتىنىڭ مادەنيەتىن قالىپتاسىپ، شتاتتان تىس وقىس وقيعا ورىن العاندا جەدەل شەشىم قابىلداۋعا ىقپال ەتكەنىن اتاپ ايتۋعا بولادى. بۇل رەتتە بيىل ارىس قالاسىندا توتەنشە وقيعا ورىن العان ساتتە قتج قىزمەتكەرلەرى جەدەل ارەكەت ەتىپ، جولاۋشىلاردىڭ قاۋىپسىزدىگىن قامتاماسىز ەتىپ، بارلىق بايلانىس كانالدار ارقىلى جاڭا جول ءجۇرۋ كەستەسىن حالىققا جەدەل حابارلاپ، جولاۋشىلاردى اۆتوبۋستارمەن جاقىن ماڭداعى ءقاۋىپسىز، ءىرى ەلدى-مەكەندەرگە جەتكىزىپ، بۇدان كەيىن قىسقا مەرزىم ارالىعىندا تەمىر جول كولىگىنىڭ قوزعالىسىن قامتاماسىز ەتىپ، ءوز جۇمىستارىنا ۇلكەن جاۋاپكەرشىلىكپەن قاراعانىنا كۋا بولدىق.
سونىمەن قاتار قازىرگى تاڭدا «قتج» ۇق» اق-ى ءوز قىزمەتكەرلەرىنىڭ قاۋىپسىزدىگىن قامتاماسىز ەتىپ، جاراقات الىپ قالماۋ ىسىنە دا ايرىقشا كوڭىل ءبولىپ، بىلىكتى توپ-مەنەدجەرلەر قاۋىپسىزدىگىن ەرەجەلەرىن ساقتاۋدى قىزمەتكەرلەرىنە ءجيى ەسكەرتىپ كەلەدى. مىسالى، قتج باسقارما ءتوراعاسىنىڭ ورىنباسارى سەرىك ابدەنوۆ تەمىر جول قىزمەتكەرلەرى اراسىندا جاراقات الىپ قالۋدى بولدىرماۋدىڭ ماڭىزى زور ەكەنىن بىرنەشە رەت العا تارتقان بولاتىن.
– بىزدەر تۇبەگەيلى وزگەرىستەر ەنگىزىپ، جۇمىس بارىسىندا قىزمەتكەرلەرىمىزدىڭ قاۋىپسىزدىگىن قامتاماسىز ەتىپ، بۇل باعىتتاعى جۇمىستاردى بيزنەس ۇردىستەر مەن وندىرىستىك تارتىپكە ەنگىزۋدەمىز. تەحنيكالىق قاۋىپسىزدىك ماسەلەسى جول بويىنداعى بولىمشەلەردەن باستاپ، ءاربىر باسشىنىڭ جۇمىسىنداعى ماڭىزدى ورىنعا يە بولۋى ءتيىس، – دەگەن بولاتىن سەرىك ابدەنوۆ.
وسى سوزدەن-اق بۇگىندە «قازاقستان تەمىر جولى» كومپانياسىنىڭ ورتالىق كەڭەسەدەگى باسشىلارىنان باستاپ، جەرگىلىكتى باسقارمالار، شالعايداعى شاعىن لوكاسيادا ەڭبەك ەتەتىن قىزمەتكەرلەر تەحنيكالىق قاۋىپسىزدىك تالاپتارىن ساقتاۋ ىسىنە ايرىقشا ءمان بەرەتىنىن بايقاۋعا بولادى.
