«قاۋىن Fest» – تٷركٸستان وبلىسىنىڭ بەرەكەسٸن پاش ەتتٸ
بٷگٸن جەتٸساي اۋدانى, جەتٸساي قالاسىنداعى ورتالىق ساياباقتا "قاۋىن fest" وبلىستىق فەستيۆالٸ ٶتتٸ. ەلباسىمىزدىڭ «بولاشاققا باعدار: رۋحاني جاعىرۋى» باعدارلاماسى اياسىندا تۇڭعىش رەت ٶتكٸزٸلٸپ وتىرعا فەستيۆالگە وبلىسىمىزدىڭ اۋداندارى مەن قالالارىنان جەنە ەلٸمٸزدٸڭ ٶزگە ٶڭٸرلەرٸنەن دە قوناقتار كەلٸپ قاتىستى.
ٸس-شارانى تٷركٸستان وبلىسى ەكٸمدٸگٸنٸڭ تٸكەلەي باستاماسىمەن əرٸ قولداۋىمەن ماقتاارال جەنە جەتٸساي اۋدانى ەكٸمدٸكتەرٸ بٸرلەسٸپ ۇيىمداستىردى.
فەستيۆالدٸڭ ماقساتى – باقشا داقىلدارىنان ٶندٸرٸلەتٸن ٶنٸم تٷرلەرٸن كٶبەيتٸپ, كەسٸپكەرلٸكتٸ دامىتۋ, باقشا ٶنٸمدەرٸن, تەرەڭ ٶڭدەۋدٸ قولعا الۋ جەنە ديقانداردىڭ ٶزارا تەجٸريبە الماسۋىنا جاعداي جاساۋ. ەڭبەكشٸ قاۋىمنىڭ ەڭسەسٸن كٶتەرۋگە باعىتتالعان فەستيۆالدٸڭ اشىلۋ سالتاناتىندا تٷركٸستان وبلىسىنىڭ ەكٸمٸ جانسەيٸت تٷيمەباەۆ ٶڭٸردٸڭ اۋىل شارۋاشىلىعى سالاسىنىڭ پوتەنتسييالى جوعارى ەكەنٸنە توقتالدى.
– بٸز باقشا ٶنٸمدەرٸن تەرەڭ ٶڭدەۋ سالاسىنا مەن بەرگەنٸمٸز جٶن. وسى ماقساتتا قاۋىن مەن قاربىزدىڭ وتانى سانالاتىن جەتٸساي جەنە ماقتاارال اۋداندارىندا باقشا ٶنٸمدەرٸن تەرەڭ ٶڭدەۋمەن اينالاسىتىن شاعىن كەسٸپورىندار مەن تسەحتاردى ٸسكە قوسۋىمىز قاجەت. 2018 جىلى تٷركٸستان وبلىسىندا «رۋحاني جاڭعىرۋ» باعدارلاماسى اياسىندا اتقارىلاتىن جوبالار مەن ٸس-شارالار قايتا قارالىپ, ۇلتتىق قۇندىلىقتارىمىزدى ۇلىقتاۋعا نەگٸزدەلگەن بولاتىن. سونىڭ نەتيجەسٸندە بيىلدان باستاپ وبلىستىڭ ەر ايماعىندا اۋقىمدى شارا ٶتكٸزۋ جەنە ولاردى دەستٷرگە اينالدىرۋ قولعا الىندى. بٷگٸنگٸ وبلىس تاريحىندا تۇڭعىش رەت ٶتكٸزٸلٸپ وتىرعان «قاۋىن fest» وبلىستىق فەستيۆالٸ سول يگٸ باستامالاردىڭ جالعاسى. الداعى ۋاقىتتا جىل سايىن تامىز ايىندا «قاۋىن fest» فەستيۆالٸن, «قاۋىنعاق», «قاۋىندا دا قاۋىن بار», «قاربىزدى وڭتٷستٸكتە داربىز دەيدٸ» سيياقتى بايقاۋلار مەن جەرمەڭكەلەر ۇيىمداستىرامىز, – دەدٸ وبلىس ەكٸمٸ.
جالپى جەتٸساي جەنە ماقتاارال اۋداندارىنىڭ اۋا-رايى باقشا داقىلىن ٶسٸرۋگە تيٸمدٸ. بۇل فەستيۆالگە اتالعان اۋداندارىنان بٶلەك, وبلىستىڭ ٶزگە قالا, اۋداندارىنان قاۋىن-قاربىز ەگۋمەن اينالىساتىن شارۋالار جينالدى.
ولار قاۋىننىڭ 27 تٷرٸنەن 30 توننا كٶلەمٸندە قاۋىن ەكەلدٸ. فەستيۆال بارىسىندا كەلۋشٸلەرگە كارۆينگ جەنە قاۋىن-قاربىز كٶرمەسٸ ۇسىنىلدى.
سونداي-اق, شارا اياسىندا توساپ دايىنداۋشىلار سايىسى, «ەڭ ٷلكەن قاۋىن», «ەڭ دەمدٸ قاربىز», «ەڭ تەتتٸ توساپ», «ەڭ ٷزدٸك باقشا ٶنٸمدەرٸن ۇسىنعان اۋىل ەكٸمدٸگٸ» اتتى نوميناتسييالار بويىنشا جارىستار ۇيىمداستىرىپ, باس جٷلدەگە «تەمٸر تۇلپار» تارتۋ ەتتٸ. شاراعا جەتٸساي اۋدانىنىڭ 9 اۋىل وكرۋگٸ ەكٸمدٸگٸ مەن وبلىستىڭ 8 اۋدان, قالالارىنان باقشا داقىلدارىن ٶسٸرەتٸن ٸرٸ شارۋا قوجالىقتارى شاقىرىلعان.
وبلىس ديقاندارى ٶتكەن جىلى 1250 مىڭ توننا باقشا ٶنٸمدەرٸن ٶندٸرسە, بيىل 1330 توننا ٶنٸم جينالعان. ول ٶتكەن جىلمەن سالىستىرعاندا 80 مىڭ تونناعا ارتقان. ونىڭ 771, 4 مىڭ تونناسى قاۋىن بولسا, 558,6 مىڭ تونناسى -- قاربىز. گەكتار تٷسٸمٸ 220 تسەنتنەردٸ قۇراعان. رەسپۋبليكادا ٶسٸرٸلگەن قاۋىن-قاربىزدىڭ 65 پايىزى تٷركٸستان وبلىسىنا تيەسٸلٸ. ماقتاعا قاراعاندا باقشا ٶنٸمدەرٸنەن تٷسكەن تابىس 5 ەسەگە كٶپ. وبلىستا ٶندٸرٸلگەن باقشانىڭ 44 پايىزى ماقتاارال مەن جەتٸساي اۋداندارىنىنىڭ ٷلەسٸندە. دەگەنمەن, اتالعان داقىلداردىڭ ٶنٸمٸن قايتا ٶڭدەۋ كەسٸپورىندارى از. ونىڭ ٷستٸنە بٷگٸندە قاۋىنقاق, قاۋىنقۇرت ەزٸرلەۋ سەكٸلدٸ دالالىق ەدٸس-تەسٸلدەر ۇمىت بولىپ بارا جاتىر. بيىلعى فەستيۆال ارقىلى ۇمىتىلعان كەسٸپتەر قايتا جاندانباق.
بيىل تٷركٸستاندىق شارۋالار جالپى 61,4 مىڭ گەكتار جەرگە قاۋىن مەن قاربىز ەككەن. ونىڭ ٸشٸندە باقشا داقىلدارىن جيناۋدان جىل سايىن رەكوردتىق كٶرسەتكٸشكە قول جەتكٸزەتٸن جەتٸساي مەن ماقتاارال اۋداندارىندا 19 500 گەكتارعا قاۋىن, 7 564 گەكتارعا قاربىز ەگٸلگەن. تٷركٸستان وبلىسىنىڭ ديقاندارى وسى جىلدىڭ 7 ايىندا رەسەي, بەلارۋس, لاتۆييا, گەرمانييا سىندى ەلدەرگە 80 مىڭ توننادان استام قاۋىن-قاربىز ەكسپورتتادى. سونىڭ ٸشٸندە رەسەي مەملەكەتٸنٸڭ نارىعىنا 60 مىڭ توننادان استام باقشا داقىلى شىعارىلعان.
فەستيۆالدە قاتىسقان تۇرعىندار مەن قوناقتار دəمٸ تٸل ٷيٸنەن قاۋىننان دəم تارتىپ, ٸس-شاراعا ريزاشىلىقتارىن بٸلدٸردٸ.
تٷركٸستان وبلىسى ەكٸمٸنٸڭ باسپاسٶز قىزمەتٸ
