ونىڭ ايتۋىنشا، ءدارى Nazarbayev University بازاسىنداعى ۇلتتىق زەرتحانادا ازىرلەنىپ جاتىر. ال جوبانىڭ كەشەۋىلدەۋى زاڭ تالاپتارى قاتاڭ ساقتالۋىنا بايلانىستى.

ءمينيستردىڭ سوزىنشە، بىلتىر پرەپارات ادامعا العاشقى سىناق كەزەڭدەرىنەن وتكەن. ءقازىر زەرتتەۋلەر استاناداعى ونكولوگيالىق ورتالىقتا جالعاسىپ جاتىر. سونداي-اق، وڭىرلىك ورتالىقتار، ونىڭ ىشىندە قاراعاندى دا قاتىسىپ وتىر.

ءدارىنى تىركەۋ ءۇشىن ۇلتتىق تالاپتارمەن قاتار حالىقارالىق ستاندارتتاردى دا ورىنداۋ قاجەت. وسىعان بايلانىستى قوسىمشا كلينيكالىق سىناقتار جۇرگىزىلىپ جاتىر.

جوسپار بويىنشا سىناقتار بيىل اياقتالادى. ودان كەيىن پرەپارات الدىمەن قازاقستاندا تىركەلىپ، مەديسينالىق تاجىريبەدە قولدانۋعا ۇسىنىلادى. كەلەسى كەزەڭدە حالىقارالىق تىركەۋ ءراسىمى باستالادى.