سۇراق: ءۇش ايلار قاشان باستالادى جانە قانداي قاسيەتتەرى بار؟
جاۋاپ: قاسيەتتى ءۇش ايلاردان راجاب ايى بۇگىن دۇيسەنبىدەن سەيسەنبىگە قاراعان ءتۇنى (21.05.2012-22.05.2012) باستالادى.
راجاب ايى: قاسيەتتى ءتورت ايدىڭ ءبىرى. ءبىر اياتي كاريمادا: «اللاھتىڭ كوكتەر مەن جەردى جاراتقان كۇننەن بەرى ايلاردىڭ سانى ون ەكى. بۇلاردىڭ تورتەۋى حارام (قۇرمەتتى) بولعان ايلار» دەلىنگەن. (ءتاۋبا 36)
حاديس شاريفتەردە بىلاي دەلىنەدى:
«حارام (قاسيەتتى) ايلار – راجاب، ءزۇل-قادا، ءزۇل-حيدجا جانە مۋحاررام.» (يبن ءجارير)
«ءجانناتتا سونداي ءزاۋلىم سارايلار بار، وعان تەك راجاب ايىندا ورازا تۇتقاندار كىرەدى.» (ءدايلامي)
«اللاھۋ تا'الا راجاب ايىندا ورازا تۇتقانداردى كەشىرەدى.» (عۋنيا)
«راجاب ايىنىڭ باسىندا ءبىر كۇن، ورتاسىندا ءبىر كۇن جانە سوڭىندا ءبىر كۇن ورازا تۇتقان ادامعا راجاب ايىندا تولىق ۇستاعانداي ساۋاپ بەرىلەدى.» (ءميفتاحۋل-جاننا)
«اللاھۋ تا'الا راجاب ايىندا جاقسىلىعىن ارتتىرادى. بۇل ايدا ءبىر كۇن ورازا ۇستاعان ادام ءبىر جىل ۇستاعانداي ساۋاپقا قاۋىشادى. جەتى كۇن ورازا تۇتقان ادامعا جاھاننام ەسىكتەرى جابىلادى. سەگىز كۇن تۇتقان ادامعا جانناتتىڭ 8 ەسىگى اشىلادى. ون كۇن تۇتقانعا اللاھۋ تا'الا قالاعانىن بەرەدى. ون بەس كۇن ورازا ۇستاعانعا ءبىر حابارشى: “وتكەن كۇنالارىڭ كەشىرىلدى” دەيدى. اللاھۋ تا'الا نۋح الەيھيسسالامدى راجاب ايىندا كەمەگە مىنگىزدى. ول دا راجاب ايىن ورازامەن وتكىزىپ، قاسىنداعىلاردىڭ دا ورازا تۇتۋلارىنا بۇيرىق بەردى.» (تاباراني)
«راجاب ايىندا تاقۋالىقپەن ءبىر كۇن ورازا ۇستاعان ادام ءۇشىن، ورازا ۇستالعان كۇندەرگە ءتىل ءبىتىپ: “يا راببىم، ونى كەشىر” دەپ ايتادى.» (ءابۋ مۇحاممەد)
شابان ايى: حاديس شاريفتەردە بىلاي دەلىندى:
«شابان سونداي قۇندى اي، ادامدار ودان عافىل (حابارسىز) بولادى. بۇل ايدا امالدار الەمدەردىڭ راببىسىنا ۇسىنىلادى. مەن دە امالىمنىڭ ورازا تۇتقان كەزىمدە ۇسىنىلعانىن قالايمىن.» (ءناساي)
«رامازاننان كەيىنگى ەڭ قۇندى ورازا – شابان ايىندا ۇستالعان ورازا.» (تيرميزي)
«شابان ايىندا ءۇش كۇن ورازا تۇتقان ادامعا حاق تا'الا جانناتتا ءبىر ورىن دايىندايدى.» (ءايۋحال ءۋالاد يلميحالى)
رامازان ايى: ءبىر حاديس شاريفتە بىلاي دەلىنگەن:
«رامازان ايى مۇباراك اي. اللاھۋ تا'الا سەندەرگە رامازان ورازاسىن پارىز ەتتى. ول ايدا راحمەت (مەيىرىم) ەسىكتەرى اشىلادى، جاھاننام ەسىكتەرى جابىلادى، شايتاندار بايلانادى. ول ايدا مىڭ ايدان دا قۇندى ءبىر ءتۇن بار. ول ءتۇننىڭ (ءقادىر ءتۇنىنىڭ) جاقسىلىعىنان ماقرۇم قالعان، بار جاقسىلىقتان ماقرۇم قالدى دەپ سانالادى.» (ءناساي)
سۇراق: “راجاب ايىنىڭ باسىندا ءبىر كۇن، ورتاسىندا ءبىر كۇن جانە سوڭىندا ءبىر كۇن ورازا تۇتقان ادامعا راجاب ايىندا تولىق ۇستاعانداي ساۋاپ بەرىلەدى” دەلىنەدى. باسى 1ء-ى، ورتاسى 15ء-ى، سوڭى 30-ى دەگەن ءسوز با؟
جاۋاپ: جوق. باسىندا دەگەن ايدىڭ العاشقى كۇندەرى دەگەن ءسوز. ورتاسى – ايدىڭ ورتاسىنداعى كۇندەر دەگەن ءسوز. سوڭى – ايدىڭ سوڭعى كۇندەرى دەگەندى بىلدىرەدى.
سۇراق: قاسيەتتى ءۇش ايدىڭ ءبىرىنشىسى - راجاب ايىندا ورازا ۇستاۋ ءۇشىن ورازا كەستەسىن قايدان الۋعا بولادى؟
جاۋاپ: ءسىزدىڭ قاي قالادان جازىپ تۇرعانىڭىزدى بىلمەيمىز، ءار قالانىڭ ناماز جانە ورازا كەستەلەرى ءار ءتۇرلى بولادى. www.namaztimes.kz سايتىنا كىرسەڭىز سوندا "قالانى ىزدەۋ" ۇياشىعى ارقىلى كەز-كەلگەن قالانىڭ، ايلىق جانە جىلدىق ناماز ۋاقىتتارىن جانە ورازا كەستەسىن الا الاسىز. وندا كورسەتىلگەن “يمساك” ۋاقىتى اۋىز بەكىتۋ ۋاقىتى بولىپ تابىلادى. ياعني ورازا تۇتاتىن ادام “يمساك” ۋاقىتىنا دەيىن اۋزىن بەكىتۋى ءتيىس. جانە “اقشام” ۋاقىتىندا اۋزىن اشادى.
