قارجى پيراميداسىن ۇيىمداستىردى دەگەن كۇدىكپەن ىزدەۋدە جۇرگەن ادام گرۋزيادان ەكستراديسيالاندى، دەپ حابارلايدى Dalanews.kz.
ول ەكونوميكالىق قىزمەت سالاسىندا ءبىرقاتار قاساقانا اۋىر قىلمىس جاساعانى ءۇشىن قىلمىستىق جاۋاپكەرشىلىككە تارتۋ ماقساتىندا ەلگە جەتكىزىلدى.
تەرگەۋ بارىسىندا كۇدىكتىنىڭ ۇيىمداسقان توپ قۇرامىندا 2019–2021 جىلدار ارالىعىندا قازاقستاننىڭ ءارتۇرلى وڭىرىندە قارجى پيراميداسىنىڭ قۇرىلىمدارىن باسقارعانى انىقتالعان.
"قىلمىستىق توپ مۇشەلەرىنىڭ زاڭسىز ارەكەتتەرى سالدارىنان ازاماتتارعا جوعارى تابىس تابۋعا ۋادە بەرۋ ارقىلى 10 ملرد تەڭگەدەن اسا قاراجات تارتىلعان. كۇدىكتى قىلمىس جاساعاننان كەيىن بوي تاسالاپ، وعان حالىقارالىق ىزدەۋ جاريالانعان. 2026 جىلعى اقپاندا ول گرۋزيا اۋماعىندا ۇستالىپ، قازاقستاننىڭ باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى. ءقازىر كۇدىكتى تەرگەۋ يزولياتورىنا قامالدى"، - دەپ جازىلعان حابارلامادا.
