Qarjy piramidasyn uiymdastyrdy degen kúdikpen izdeýde júrgen adam Grýziiadan ekstraditsiialandy, dep habarlaidy Dalanews.kz.
Ol ekonomikalyq qyzmet salasynda birqatar qasaqana aýyr qylmys jasaǵany úshin qylmystyq jaýapkershilikke tartý maqsatynda elge jetkizildi.
Tergeý barysynda kúdiktiniń uiymdasqan top quramynda 2019–2021 jyldar aralyǵynda Qazaqstannyń ártúrli óńirinde qarjy piramidasynyń qurylymdaryn basqarǵany anyqtalǵan.
"Qylmystyq top músheleriniń zańsyz áreketteri saldarynan azamattarǵa joǵary tabys tabýǵa ýáde berý arqyly 10 mlrd teńgeden asa qarajat tartylǵan. Kúdikti qylmys jasaǵannan keiin boi tasalap, oǵan halyqaralyq izdeý jariialanǵan. 2026 jylǵy aqpanda ol Grýziia aýmaǵynda ustalyp, Qazaqstannyń Bas prokýratýrasynyń suraýy boiynsha Otanyna ekstraditsiialandy. Qazir kúdikti tergeý izoliatoryna qamaldy", - dep jazylǵan habarlamada.
