قاراعاندى وبلىسىندا كەمەلەتكە تولماعان قىزدى توپ بولىپ زورلاعان بەس جاسٶسپٸرٸم 5 جىل 7 اي 15 كٷنگە باس بوستاندىعىنان ايىرىلدى. سوتتالۋشىلاردىڭ بارلىعى قىلمىس جاسالعان كەزدە كەمەلەتكە تولماعان بولعان. بۇل تۋرالى قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى حابارلادى, دەپ حابارلايدى dalanews.kz.
وقيعا قالاي بولعان?
سوت ماتەريالدارىنا سەيكەس, وقيعا 2025 جىلعى 14 اقپاندا بولعان. سول كٷنٸ كەمەلەتكە تولماعان جەبٸرلەنۋشٸ قۇربىسىمەن بٸرگە جاسىن جاسىرىپ, «ينفينيتي» تٷنگٸ كاراوكە-كلۋبىنا كٸرگەن. قىزدار وندا ٷش ساعاتتان استام ۋاقىت بويى الكوگولدٸك ٸشٸمدٸك ٸشكەن. قاتتى ماس بولعاندىقتان ٷيٸنە وسى كٷيدە قايتۋعا قورىققان قىزدار تانىسى ي.-دٸڭ ۇسىنىسىمەن ونىڭ كەمەلەتكە تولماعان دوستارىنىڭ پەتەرٸنە بارعان.
سوت پەتەردە س. ەسٸمدٸ سوتتالۋشى جەبٸرلەنۋشٸنٸڭ ەسٸن جيعىزباۋ ٷشٸن وعان حيمييالىق زاتتىڭ بۋىن يٸسكەتكەنٸ انىقتالدى. وسىدان كەيٸن بەس جاسٶسپٸرٸم قىزدىڭ دەرمەنسٸز جاعدايىن پايدالانىپ, توپ بولىپ زورلاعان. سوتتا ولاردىڭ كٸنەسٸ جەبٸرلەنۋشٸ مەن كۋەگەرلەردٸڭ جاۋاپتارى, ساراپتاما قورىتىندىلارى جەنە قىلمىستىق ٸستٸڭ باسقا دا ماتەريالدارى ارقىلى دەلەلدەنگەن.
پروكۋرور 7,5 جىل سۇرادى, قورعاۋشىلار اقتاۋدى تالاپ ەتتٸ
مەملەكەتتٸك ايىپتاۋشى بەس سوتتالۋشىنىڭ ەرقايسىسىن 7 جىل 6 ايعا باس بوستاندىعىنان ايىرۋدى جەنە ەكٸ جىل بويى پەداگوگيكالىق قىزمەتپەن اينالىسۋىنا تىيىم سالۋدى سۇراعان. سونىمەن قاتار 2025 جىلعى 23 ماۋسىمداعى راقىمشىلىق تۋرالى زاڭدى قولدانىپ, جازا مەرزٸمٸن 5 جىل 7 اي 15 كٷنگە دەيٸن قىسقارتۋدى ۇسىنعان.
جەبٸرلەنۋشٸ تاراپ پروكۋروردىڭ ۇستانىمىن قولداپ, مورالدىق زييان ٷشٸن 100 ملن تەڭگە ٶتەماقى ٶندٸرۋدٸ تالاپ ەتكەن. ال قورعاۋشىلار سوتتالۋشىلاردىڭ كٸنەسٸ دەلەلدەنبەگەنٸن ايتىپ, بارلىعىن اقتاۋدى سۇراعان.
بەس جاسٶسپٸرٸم قانداي جازا الدى?
قازاقستان قىلمىستىق كودەكسٸنٸڭ 120-بابى 3-بٶلٸگٸنٸڭ 1-1-تارماعىندا كٶزدەلگەن قىلمىس ٷشٸن 15 جىلدان 17 جىلعا دەيٸن باس بوستاندىعىنان ايىرۋ نەمەسە ٶمٸر بويىنا باس بوستاندىعىنان ايىرۋ جازاسى قاراستىرىلعان. الايدا سوتتالۋشىلاردىڭ قىلمىس جاساعان كەزدەگٸ كەمەلەتكە تولماعان جاسىن جاۋاپتىلىق پەن جازانى جەڭٸلدەتەتٸن مەن-جاي رەتٸندە تانىعان. اۋىرلاتاتىن مەن-جايلار انىقتالماعان. سوت زاڭ تالاپتارىنا سەيكەس كەمەلەتكە تولماعاندارعا 7 جىل 6 ايدان ارتىق جازا تاعايىنداۋعا بولمايتىنىن ەسكەرگەن.
نەتيجەسٸندە بەس جاسٶسپٸرٸمنٸڭ ەرقايسىسىنا باستاپقىدا 7 جىل 6 اي باس بوستاندىعىنان ايىرۋ جازاسى تاعايىندالىپ, راقىمشىلىق زاڭىنا سەيكەس مەرزٸم 5 جىل 7 اي 15 كٷنگە قىسقارتىلعان. سونداي-اق ولاردىڭ ەكٸ جىل بويى پەداگوگيكالىق قىزمەتپەن اينالىسۋىنا تىيىم سالىندى.
جەبٸرلەنۋشٸنٸڭ 100 ملن تەڭگە كٶلەمٸندەگٸ مورالدىق ٶتەماقى تۋرالى تالابى ٸشٸنارا قاناعاتتاندىرىلدى. سوت بەس سوتتالۋشىدان ورتاق تەرتٸپپەن 10 ملن تەڭگە ٶندٸرٸپ الۋ تۋرالى شەشٸم شىعاردى. سوت ٷكٸمٸ ەزٸرگە زاڭدى كٷشٸنە ەنگەن جوق.
