7 قاراشا كۇنى ساعات 20:29-دا كاسىپورىننىڭ ورتالىق ديسپەچەرلىك باسقارماسىنا شاحتادا ەلەكتر قۋاتىنىڭ توقتاعانى تۋرالى اقپارات تۇسكەن، دەپ حابارلايدى Dalanews.kz. 

وقيعانىڭ سەبەبى - "قاراعاندى" جشس-نىڭ №9 ترانسفورماتورلىق ستانسياسىنداعى ەلەكتر اقاۋى بولعان. سول ساتتە كەشكى اۋىسىمدا جۇمىس ىستەگەن 155 ادام شۇعىل تۇردە جەر بەتىنە شىعارىلدى.

Qarmet اق قازىرگى ۋاقىتتا ەلەكتر قۋاتىنىڭ قالپىنا كەلتىرىلگەنىن جانە شاحتانى قىزمەتكەرلەردىڭ ءقاۋىپسىز تۇردە جۇمىسقا ورالۋىنا دايىنداپ جاتقانىن مالىمدەدى.

ەسكە سالايىق، بۇعان دەيىن ءماجىلىس دەپۋتاتى ەدىل جاڭبىرشين توتەنشە جاعدايلار جانە ەكولوگيا مينيسترلىگى شەتەل ينۆەستورلارىنىڭ الدىندا قاۋقارسىز بولىپ وتىرعانىن مالىمدەگەن ەدى. 

دەپۋتات 3 قاراشادا قاراعاندى وبلىسىنداعى 5 كەنشىنىڭ قازاسىنا بايلانىستى كوڭىل ايتىپ، شاحتاداعى قازالى وقيعالارعا قاتىستى اقپاراتپەن ءبولىستى.

توتەنشە جاعدايلار ءمينيسترىنىڭ مالىمەتىنە سۇيەنسەك، لەنين اتىنداعى شاحتا 1964 جىلى پايدالانۋعا بەرىلىپ، بىرنەشە قازالى وقيعالار بولعان.

1978 جىل – 4 ادام قايتىس بولعان؛

1985 جىل – 2 ادام قايتىس بولعان؛
1995 جىل – 13 قايتىس بولعان، 2-ەۋى جاراقات العان؛
1998 جىل – 1 ادام قايتىس بولعان؛
1999 جىل – 3 ادام قايتىس بولعان، 2-ەۋى جاراقات العان؛
2006 جىل – 41 ادام قايتىس بولعان، – دەپ جازدى جاڭبىرشين.

ونىڭ ايتۋىنشا، جالپى وندىرىستەگى قايعىلى جاعدايلاردىڭ بولۋىنا ەسكى تەحنولوگيالاردىڭ قولدانىلۋى، تەحنولوگيالىق ەرەجەلەردىڭ بۇزىلۋى، قاۋىپسىزدىك ەرەجەلەرىنىڭ ساقتالماۋى نەمەسە بۇزىلۋى، تەحنيكالىق جابدىقتار مەن اسپاپتاردى پايدالانۋ ەرەجەلەرىنىڭ بۇزىلۋى جانە ت.ب. سەبەپ بولادى. بۇعان قوسا دەپۋتات شەتەلدىك كومپانيالاردىڭ ءبىرقاتار پروبلەمالارىنا توقتالدى.