باسقوسۋدى اشقان اماندىق باتالوۆ مەملەكەت قولداۋىنىڭ ارقاسىندا بىرلەسكەن جۇمىستىڭ ناتيجەسىندە وتكەن جىلى وبلىستاعى قانت قىزىلشاسىنىڭ جالپى جيىنى 334 مىڭ توننا بولسا، بيىلعى جىلى 414،4 مىڭ توننا ءونىم جيناۋ مەجەلەنگەنىن ايتتى. وعان قوسا وڭدەۋ ماسەلەسى دە شەشىمىن تابۋدا.
– سوڭعى ءۇش جىلدا كوكسۋ قانت زاۋىتىن تولىق جاڭعىرتۋدان وتكىزدىك، سونىڭ ارقاسىندا ونىڭ وڭدەۋ قۋاتتىلىعى ەسەلەپ ءوستى. قازىرگى كەزدە اقسۋ قانت زاۋىتىندا جاڭعىرتۋ جۇمىستارى ءجۇرىپ جاتىر. بۇل اسا ماڭىزدى دا ۇلكەن جۇمىس. جاڭعىرتۋدان وتكەن كاسىپورىن 1 قازاننان جاڭا قۇرىلعىلارىمەن وڭدەۋ ءىسىن باستايتىن بولادى. سونىمەن قاتار وبلىستا شارۋالاردى اۋىل شارۋاشىلىعى تەحنيكالارىمەن قامتاماسىز ەتۋ ماقساتىندا بيىلعى جىلى تاعى 7 سەرۆيستىك-دايىنداۋ ورتالىعىن قۇرامىز. ساپالى تۇقىممەن قامتۋ، جەڭىلدىكپەن جاعارماي بەرۋ سياقتى قولداۋلار جالعاسىن تابادى، – دەدى ا. باتالوۆ.
وبلىس اكىمى جينالعان قانت قىزىلشاسى تولىق وڭدەلۋى ءتيىس ەكەنىن، وتكىزىلگەن ءونىم ءۇشىن شارۋا قوجالىقتارىمەن دەر كەزىندە ەسەپتەسۋ كەرەكتىگىن وڭدەۋشىلەرگە قاراتا نىعىرلاي ەسكەرتتى.
مۇنان سوڭ كوكتەمگى ەگىس ناۋقانىنا دايىندىق بارىسى تۋرالى وبلىس اكىمىنىڭ ورىنباسارى سەرىكجان بەسكەمپىروۆ باياندادى. بايانداماداعى مالىمەتتەرگە سۇيەنسەك، وتكەن جىلى وبلىستا 5 سەرۆيستىك-دايىنداۋ ورتالىقتارى قۇرىلىپ، 114 اۋىل شارۋاشىلىعى تەحنيكالارى ساتىپ الىنعان. سونداي-اق قانت قىزىلشاسىنىڭ 14 مىڭ ە.ب. فرانسۋزدىق جانە گەرمانيالىق تۇقىمى الىندى. جالپى وسى ماقساتتارعا وبلىس بيۋدجەتىنەن 1،5 ملرد. تەڭگە باعىتتالدى. بۇل باعىتتاعى جۇمىس جالعاسادى. بيىلعى جىلى العا قويعان ماقساتتارعا قول جەتكىزۋ ءۇشىن 11،5 مىڭ گەكتار سۇدىگەر جەر جىرتىلدى. قىزىلشا سەبەتىن شارۋاشىلىقتاردىڭ بەرگەن تاپسىرىستارىنا سايكەس وبلىستا قانت قىزىلشاسىنىڭ 16775 ە.ب.تۇقىمى، سونىڭ ىشىندە 3480 ە.ب. مەملەكەتتىك رەەسترگە 2017 جىلى ەنگىزىلگەن شىرۋگە ءتوزىمدى «تيسسەرين» جانە «يگور» جاڭا گيبريدتىك تۇقىم ساتىپ الىنعان. ال 7 سدو-عا كەلسەك، ولار اقسۋ، الاكول، قاراتال، سارقان اۋداندارى مەن قاپشاعاي قالالارىندا قۇرىلدى. بۇل ماقساتقا وبلىستىق بيۋدجەتتەن 1،7 ملرد. تەڭگە بولىنگەن. 132 بىرلىك اۋىل شارۋاشىلىعى تەحنيكالارى ساتىپ الىنعان. قانت قىزىلشاسىنىڭ 1 تونناسىن ساتىپ الۋ قۇنى وتكەن جىلعىداي 17 مىڭ تەڭگەنى قۇرايدى، ونىڭ 8 مىڭ تەڭگەسى زاۋىت ارقىلى، 9 مىڭ تەڭگەسى وبلىستىق اۋىل شارۋاشىلىعى باسقارماسى ارقىلى سۋبسيديا تۇرىندە تولەنەدى.
كەزدەسۋ بارىسىندا كوكسۋ قانت زاۋىتىنىڭ ديرەكتورى التىنبەك اباتوۆ جانە اقسۋ قانت زاۋتىنىڭ ديرەكتورى مۇرات تولەگەنوۆ ءسوز الىپ، كاسىپورىندارداعى جاڭعىرتۋ جۇمىستارىنىڭ بارىسى جايلى ايتىپ بەردى.
قانت قىزىلشاسىن ءوسىرۋشى شارۋالار ءوز كەزەگىندە قولداۋ شارالارى ءۇشىن، اتاپ ايتقاندا، قانت قىزىلشاسىن تاستان تازالايتىن ارنايى تەحنيكا ساتىپ الۋعا، شەڭگەلدى اۋىلدىق وكرۋگى اۋماعىندا قىزىلشا جينايتىن القاپ جاساۋعا، وسى اۋدانعا قانت قىزىلشاسىن تاسىمالداۋعا قوسىمشا كاماز ساتىپ الۋعا قولداۋ بىلدىرگەنى ءۇشىن وبلىس باسشىلىعىنا ريزاشىلىقتارىن جەتكىزدى. سونىمەن قاتار شەڭگەلدى اۋىلدىق وكرۋگىندە سۋارۋ جۇيەسىنە كوڭىل ءبولۋ، ناسوس ستانساسىنا جاڭعىرتۋ جۇمىستارىنىڭ قاجەتتىگى دە ءسوز بولدى.
وبلىس اكىمى ءاربىر ماسەلەنىڭ ءجىتى زەردەلەنىپ، قاراستىرىلاتىنىن، ءتيىستى قولداۋلار كورسەتىلەتىنىن ايتتى. اسىرەسە ارنايى تەحنيكالار الۋ، سۋارۋمەن قامتاماسىز ەتۋ ماسەلەسى ەرەكشە نازاردا بولماق.
الماتى وبلىسى اكىمىنىڭ باسپا ءسوز قىزمەتى
