ق ر پرەمەر-مينيسترىنىڭ ورىنباسارى قانات بوزىمبايەۆ سولتۇستىك قازاقستان وبلىسىنا جۇمىس ساپارىمەن بارىپ، سۋ تاسقىنى ءقاۋپى بار ايماقتاردى ارالادى، دەپ حابارلايدى Dalanews.kz
قانات بوزىمبايەۆ شال اقىن اۋدانىنا قاراستى سەرگەيەۆكا قالاسىنداعى سەرگەيەۆ سۋ تورابىنىڭ جاعدايىن تەكسەردى. بۇل ەسىل وزەنىنىڭ اعىنىن رەتتەيتىن جانە سۋ رەسۋرستارىمەن قامتاماسىز ەتەتىن ستراتەگيالىق نىسان. وتكەن جىلدان بەرى مۇندا نىعايتۋ، ءتۇبىن تەرەڭدەتۋ جانە جاعالاۋلاردى شايىلۋدان قورعاۋ جۇمىستارى جۇرگىزىلۋدە. ءقازىر سۋ تاسقىنىنىڭ ەكىنشى تولقىنىنىڭ شارىقتاۋ كەزەڭى ءوتىپ جاتىر.
سونىمەن قاتار ۆيسە-پرەمەر ەسىل وزەنىنىڭ بويىندا ورنالاسقان نيكولايەۆكا، پوكروۆكا، ياۆلەنكا، بولشايا مالىشكا جانە سوكولوۆكا اۋىلدارىنداعى جاعدايدى تەكسەردى. وبلىس بويىنشا سۋ باسۋ ءقاۋپى بار 116 ەلدى مەكەن بار. وبلىس اكىمى عاۋەز نۇرمۇحامبەتوۆتىڭ ايتۋىنشا، جاعداي تۇراقتى باقىلاۋدا.
بۇدان بولەك، قانات بوزىمبايەۆ نوۆونيكولسك اۋىلىنداعى كوپىردى، قىزىلجار اۋدانىنا قاراستى بەسكول، پريبرەجنوە جانە تەپليچنوە اۋىلدارىنداعى جوندەلگەن بوگەتتەردى، پەتروپاۆل سۋ تورابىن جانە زارەچنىي كەنتىندەگى اينالما كانالدىڭ جاعدايىن قارادى. ۇزىندىعى 3،7 شاقىرىمعا سوزىلعان بۇل كانال بيىل سۋ دەڭگەيىن رەتتەۋ جانە ارتىق سۋدى شىعارۋ ءۇشىن سالىندى.
پەتروپاۆلدا سۋ تاسقىنىنىڭ ءبىرىنشى تولقىنىنىڭ شارىقتاۋ كەزەڭى 4-5 ساۋىرگە بولجانىپ وتىر. قورعاۋ بوگەتتەرىن نىعايتۋ جۇمىستارى اياقتالۋعا جاقىن. قانات بوزىمبايەۆ ۋششيەۆا كوشەسىندەگى بوگەتتىڭ قالپىنا كەلتىرۋ جۇمىستارىن تەكسەردى. بۇل نىسان پودگورا شاعىن اۋدانىن سۋ تاسقىنىنان قورعايدى. سونداي-اق ول «بيوپرۋد» سۋ جيناۋ قويماسى ماڭىنداعى قورعانىس بوگەتىنىڭ قۇرىلىسىمەن تانىستى. جۇمىستار جەلتوقسان ايىندا اياقتالماق.
ۆيسە-پرەمەر قالا اۋماعىنداعى ساياجاي القاپتارىن جانە وبلىستىق اكىمدىك جانىنداعى جەدەل ارەكەت ەتۋ ورتالىعىن دا ارالادى.
وبلىستا سۋ تاسقىنىنا قارسى 109 ءىس-شارادان تۇراتىن ينجەنەرلىك جۇمىستار جوسپارى ىسكە اسىرىلۋدا. ناتيجەسىندە 60 ەلدى مەكەندە سۋ باسۋ ءقاۋپى تومەندەدى. 47 شاقىرىم جاڭا بوگەت سالىنىپ، 41 شاقىرىم قورعانىس بىلىكتەرى نىعايتىلدى. اۆتوجولدارعا 108 سۋ وتكىزۋ قۇبىرى ورناتىلىپ، 10 شاقىرىم سۋ بۇرۋ ارىقتارى تەرەڭدەتىلدى، 4 شاقىرىم كىشى وزەن ارنالارى تازارتىلىپ، 200 شاقىرىم نوسەر كارىز جەلىسى تازاردى.
سۋ تاسقىنى كەزەڭىنىڭ ءقاۋىپسىز ءوتۋىن قامتاماسىز ەتۋ ءۇشىن قانات بوزىمبايەۆ سولتۇستىك قازاقستان وبلىسىنىڭ اكىمدىگى مەن تجم-گە تاۋلىك بويى تاۋەكەل ايماعىنداعى ەلدى مەكەندەردە، اسىرەسە ساياجاي القاپتارىندا مونيتورينگ جۇرگىزۋدى، سۋ قويمالارىنداعى سۋ دەڭگەيىن رەتتەۋدى جانە حالىقتى سۋ تاسقىنىنا قارسى ءىس-شارالار تۋرالى ۋاقتىلى حاباردار ەتۋدى تاپسىردى.
