جازۋشى ەرٸ ساياساتتانۋشى باقىتجان بۇحارباي ەلەۋمەتتٸك جەلٸلەردە ادامنىڭ قايعىسى مەن ناۋقاس بالالاردىڭ تاعدىرىن كونتەنتكە اينالدىرۋ قاۋٸپتٸ ٷردٸسكە اينالعانىن ايتىپ, مۇنداي ەرەكەتتەرگە قۇقىقتىق جەنە ەتيكالىق تۇرعىدان توسقاۋىل قويۋ قاجەت ەكەنٸن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, قازاقستان تاريحي تۇرعىدا كٶپتەگەن سىناقتان ٶتٸپ, تەۋەلسٸزدٸگٸن نىعايتقان مەملەكەت. سوندىقتان قوعامعا ٷنەمٸ دەرمەنسٸزدٸك پەن قايعى وبرازىن تاڭۋدىڭ قاجەتٸ جوق.
«بٸز تاريحي كٷرەستەن ٶتتٸك, بارلىق جاۋدى جەڭدٸك, تەۋەلسٸز ەل بولدىق. بٷگٸندە بٸزدٸ تەجەيتٸن سىرتقى فاكتورلار جوق. سوعان قاراماستان كەيبٸر مەديا تۇلعالار مەن بلوگەرلەر قوعامعا ٷنەمٸ قايعى مەن باقىتسىزدىق كۋلتٸن تاڭىپ كەلەدٸ», دەدٸ باقىتجان بۇحارباي.
ساياساتتانۋشىنىڭ پٸكٸرٸنشە, سوڭعى جىلدارى ناۋقاس بالالاردىڭ, تٷرلٸ قايعىلى وقيعالاردىڭ جەنە ٶزگەنٸڭ جەكە قاسٸرەتٸنٸڭ ەلەۋمەتتٸك جەلٸدەگٸ قارالىم مەن تابىس قۇرالىنا اينالۋى الاڭداۋشىلىق تۋعىزادى.
«اۋرۋ بالالاردىڭ بەينەسٸ مەن ٶزگەنٸڭ قايعىسىن ەلەۋمەتتٸك جەلٸدەگٸ رەاليتي شوۋعا اينالدىرۋ قۇقىقتىق ەرٸ ەتيكالىق نورمالاردى ٶرەسكەل بۇزادى. ادامنىڭ قايعىسى ارقىلى كونتەنت جاساپ, پايدا تابۋ ازاماتتاردىڭ ويلاۋ جٷيەسٸن ٶزگەرتەدٸ, شىنايى جاناشىرلىقتى جويادى. مۇنداي ەرەكەتتەر مەملەكەت تاراپىنان قاتاڭ توقتاتىلۋى تيٸس», دەدٸ ول.
بۇحاربايدىڭ ايتۋىنشا, ەلەۋمەتتٸك جەلٸلەر قوعامداعى مەسەلەلەردٸ كٶتەرۋدٸڭ الاڭى بولعانىمەن, ادامنىڭ قايعىسىن اۋديتورييا جيناۋدىڭ نەمەسە تابىس تابۋدىڭ قۇرالىنا اينالدىرۋ قالىپتى قۇبىلىسقا اينالماۋى كەرەك.
ول قوعامدا قايىرىمدىلىق پەن جاناشىرلىق ساقتالۋى تيٸس ەكەنٸن, الايدا ول ادامنىڭ جەكە تراگەديياسىن كٶپشٸلٸككە جارييالاۋ ارقىلى ەمەس, ونىڭ ار-نامىسى مەن قۇقىعىن قۇرمەتتەۋ ارقىلى كٶرٸنٸس تابۋى قاجەت ەكەنٸن اتاپ ٶتتٸ.
