پارانوياسى اسقىنا باستاعان كرەمل كٶسەمٸ كٶلەڭكەسٸنەن ٷركەتٸن جاعدايعا جەتكەن. ساياساتتانۋشى بالەري سولوبەيدٸڭ ايتۋىنشا, ەل اۋماعىندا پۋتينگە پانا بولاتىن بٸر ەمەس, بٸرنەشە بۋنكەر بار. باسقىنشى ەلدٸڭ باسشىسى تاۋلى-تاستى, ويلى-قىراتتى ايماقتاردا جاسىرىنعاندى قۇپ كٶرەدٸ-مىس.
ايتالىق, ۋكرايناعا باسىپ كٸرگەن بىلتىرعى جىلدىڭ اقپانىندا مەسكەۋدە قالۋدى قالاماعان پۋتين رەسەيدٸڭ ورال فەدەرالدى وكرۋگٸندە ورنالاسقان بۋنكەرٸندە بوي تاسالاعان. ۋكراينانىڭ بارلاۋ قىزمەتٸ ەزٸر وسى اقپاراتتىڭ انىق-قانىعىن ناقتىلاۋ ٷستٸندە.
«ول (پۋتين, رەد.) التاي رەسپۋبليكاسىنا دا جيٸ-جيٸ ات باسىن بۇرىپ تۇرادى.
تاۋلى التايدىڭ قازاقستان, موڭعولييا جەنە قىتايمەن شەكتەسەتٸن شەكاراسىندا سوڭعى تەحنولوگييالارمەن جابدىقتالعان تاعى بٸر بۋنكەرٸ بار.
مەسكەۋدەن 1500 شاقىرىم قاشىقتىقتا, يت ارقاسى قيياندا ورنالاسقان بۋنكەر سوعىس باستالعالى پۋتيننٸڭ سٷيٸكتٸ مەكەنٸنە اينالدى», - دەيدٸ سولوبەي.
بۇعان دەيٸن باتىس باسىلىمدارىنا سۇحبات بەرگەن فسب-نىڭ ەكس-قىزمەتكەرٸ كرەمل باسشىسى كٷزەت قىزمەتٸنە كٷدٸكپەن قارايتىنىن ايتقان.
"ول الىس-جاقىن ساپارلارعا اسقان ساقتىقپەن قارايدى. ات-كٶلٸكتٸ جيٸ-جيٸ اۋىستىرادى. ۇشاققا كٸرەر مەزەتتە كٸلت بۇرىلىپ, بروندالعان پويىزعا وتىرىپ كەتە بەرەتٸن كٶزٸ كٶپ. ونىڭ قانداي ترانسپورتپەن كەلەتٸنٸن كەيدە وققاعارلارى دا بٸلمەي, داعدارىپ جاتادى. مەسەلەن, قىرىم ساپارى كەزٸندە قالاداعى بٸر-بٸرٸنەن الشاقتا ورنالاسقان قوس ەۋەجاي دا پۋتيننٸڭ ۇشاعى كەلٸپ قونعانىن جارىسا حابارلادى. وققاعارلار پرەزيدەنتتٸڭ قاي ەۋەجايعا قونعانىن انىقتاي الماي, ەۋرەگە تٷسكەن", - دەيدٸ ۆيتاليي بريشاچيي.
بۇعان دەيٸن The Economist "پۋتين ٶزٸنە ادال قىزمەت ەتكەن وققاعارلارىن ٷنەمٸ كٶتەرمەلەپ وتىرۋعا تىرىسادى" دەپ جازعان. باسىلىمنىڭ حابارلاعانىنداي 2016 جىلدان كٷنٸ بٷگٸنگە دەيٸن كرەمل كٶسەمٸ كٷزەت قىزمەتٸنٸڭ تٶرت بٸردەي وفيتسەرٸن ايماق باسشىسى ەتٸپ تاعايىنداعان.
