Paranoiasy asqyna bastaǵan Kreml kósemi kóleńkesinen úrketin jaǵdaiǵa jetken. Saiasattanýshy Baleri Solobeidiń aitýynsha, el aýmaǵynda Pýtinge pana bolatyn bir emes, birneshe býnker bar. Basqynshy eldiń basshysy taýly-tasty, oily-qyratty aimaqtarda jasyrynǵandy qup kóredi-mys.
Aitalyq, Ýkrainaǵa basyp kirgen byltyrǵy jyldyń aqpanynda Máskeýde qalýdy qalamaǵan Pýtin Reseidiń Oral federaldy okrýginde ornalasqan býnkerinde boi tasalaǵan. Ýkrainanyń barlaý qyzmeti ázir osy aqparattyń anyq-qanyǵyn naqtylaý ústinde.
«Ol (Pýtin, red.) Altai respýblikasyna da jii-jii at basyn buryp turady.
Taýly Altaidyń Qazaqstan, Mońǵoliia jáne Qytaimen shektesetin shekarasynda sońǵy tehnologiialarmen jabdyqtalǵan taǵy bir býnkeri bar.
Máskeýden 1500 shaqyrym qashyqtyqta, it arqasy qiianda ornalasqan býnker soǵys bastalǵaly Pýtinniń súiikti mekenine ainaldy», - deidi Solobei.
Buǵan deiin Batys basylymdaryna suhbat bergen FSB-nyń eks-qyzmetkeri Kreml basshysy kúzet qyzmetine kúdikpen qaraitynyn aitqan.
"Ol alys-jaqyn saparlarǵa asqan saqtyqpen qaraidy. At-kólikti jii-jii aýystyrady. Ushaqqa kirer mezette kilt burylyp, brondalǵan poiyzǵa otyryp kete beretin kózi kóp. Onyń qandai transportpen keletinin keide oqqaǵarlary da bilmei, daǵdaryp jatady. Máselen, Qyrym sapary kezinde qaladaǵy bir-birinen alshaqta ornalasqan qos áýejai da Pýtinniń ushaǵy kelip qonǵanyn jarysa habarlady. Oqqaǵarlar prezidenttiń qai áýejaiǵa qonǵanyn anyqtai almai, áýrege túsken", - deidi Vitalii Brishachii.
Buǵan deiin The Economist "Pýtin ózine adal qyzmet etken oqqaǵarlaryn únemi kótermelep otyrýǵa tyrysady" dep jazǵan. Basylymnyń habarlaǵanyndai 2016 jyldan kúni búginge deiin Kreml kósemi kúzet qyzmetiniń tórt birdei ofitserin aimaq basshysy etip taǵaiyndaǵan.
