اتىراۋ وبلىسىنىڭ جانگەلدين اۋىلىندا جوعالعان وتباسىعا قاتىستى ەلەۋمەتتٸك جەلٸدە "ٶز بەتٸنشە تەرگەۋ جٷرگٸزٸپ", ولاردى حاكەرلٸك تەحنولوگييالار ارقىلى تابۋعا ۋەدە بەرگەن قازاقستاندىقتىڭ ٸسٸ سوتقا جولداندى, دەپ حابارلايدى dalanews.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, ەر ادام وتباسى جوعالعان كەزدە ەلەۋمەتتٸك جەلٸدە كەڭٸنەن تانىلعان. ول ٶزٸن تەۋەلسٸز «حاكەر» رەتٸندە تانىستىرىپ, Instagram ارقىلى جوعالعان ادامداردى گەولوكاتسييا, SIM-كارتا جەنە بانك وپەراتسييالارى بويىنشا باقىلاپ وتىرعانىن مەلٸمدەگەن.
الايدا ٸٸم ونىڭ ەشقانداي قۇپييا دەرەكقورعا قول جەتكٸزە الماعانىن حابارلادى.
"اتالعان تۇلعاعا قاتىستى الاياقتىقتىڭ بٸرنەشە ەپيزودى بويىنشا تەرگەۋ اياقتالدى, ٸس سوتقا جولداندى. ونىڭ ەشقانداي دەرەككە قولجەتٸمدٸلٸگٸ بولعان جوق. ول پايدالانعاننىڭ بەرٸ – بٸزدٸڭ قىزمەتتٸك اقپارات. ال دەرەكتەردٸڭ تارالۋىنا قاتىستى كٸنەلٸ لاۋازىمدى تۇلعالار قاتاڭ جاۋاپكەرشٸلٸككە تارتىلدى", – دەدٸ ٸشكٸ ٸستەر مينيسترٸنٸڭ ورىنباسارى سانجار ەدٸلوۆ.
تەرگەۋ نۇسقاسىنا سەيكەس, كٷدٸكتٸ تەك جانگەلديندەگٸ وقيعاعا بايلانىستى بەلسەندٸلٸك تانىتىپ قانا قويماي, 2024 جىلدىڭ قىركٷيەك-جەلتوقسان ايلارى ارالىعىندا Instagram ارقىلى اتىراۋ وبلىسىنىڭ ەكٸ تۇرعىنىن الداپ, ولاردان 3 ميلليون تەڭگەدەن استام اقشا يەمدەنگەن.
وسىدان كەيٸن ەر ادام شەتەلگە كەتٸپ, حالىقارالىق ٸزدەۋگە جارييالانعان.
2025 جىلدىڭ ماۋسىم ايىندا ول ينتەرپول جەلٸسٸ ارقىلى تٷركييانىڭ سامسۋن قالاسىندا ۇستالدى. كەيٸن قازاقستانعا ەكستراديتسييالاندى.
قازٸر وعان قاتىستى الاياقتىق فاكتٸلەرٸ بويىنشا تەرگەۋ اياقتالىپ, ٸس سوتقا بەرٸلگەن. ەندٸ ايىپتالۋشىعا قاتىستى سوڭعى شەشٸمدٸ سوت شىعارادى.
