وسىلايشا ورىس ەسكەرٸنٸڭ ابىرويى ايرانداي تٶگٸلٸپ, كٶز الدىمىزدا ايبارىنان جۇرداي بولدى.
وسى سوعىستان كەيٸن رەيتينگتە رەسەي ەسكەرٸنٸڭ ەلەمنٸڭ مىقتى 10 ارميياسىنىڭ ٸشٸنە كٸرە الماي, سىرتتا قالاتىنى انىق. ونى ويلاسا, پۋتيننٸڭ شەكە-باسى تىرىسىپ, تالاعى تارس ايىرىلۋى مٷمكٸن.
ورىس ەسكەرٸن جەمقورلىق جەگٸ قۇرتتاي جەپ بٸتكەنٸن بٷكٸل ەلەم كٶردٸ. بۇل سوعىس ەسكەردەگٸ جەمقورلىقتىڭ نەگە ەكەپ سوعاتىنىن سوقىرعا تاياق ۇستاتقانداي كٶرسەتكەنٸ انىق. ەندٸ جەمقورلىق جايلاعان ەلدەر بۇدان ساباق الۋى كەرەك.
ونىڭ ٸشٸندە قازاقستان دا بار. باسقا-باسقا ەسكەردەگٸ جەمقورلىققا ەشكٸم تٶزبەۋ كەرەك.
بۇل سوعىس ورىس ەسكەرٸنٸڭ ەسكەري دايىندىعى پليتۋستٸڭ دەڭگەيٸنەن تٶمەن تٷسٸپ كەتكەنٸن كٶرسەتتٸ. جاۋىنگەرلٸك رۋح دەگەن اتىمەن جوق.
ەلدەبٸرەۋلەر امەريكا باستاعان باتىس ەلدەرٸ قارۋ-جۆراقتى ەكەلٸپ تٶگٸپ جاتىر دەپ ەڭگٸمە ايتۋى مٷمكٸن. بۇل ەندٸ ورىستىڭ تازا پروپاگانداسى.
پۋتين ٶزٸ "ەسكەري وپەراتسييا" دەپ اتايتىن سوعىستى باستاعالى بٸر ٶتٸرٸگەن بٸر ٶتٸرٸكپەن جاماپ كەلەدٸ.
ول ۋكرايناعا باسىپ كٸرگەندە ەلدە ەسكەري موبيليزاتسييا بولمايتىنىن ايتقان ەدٸ. ول 300 مىڭ ەسكەرٸمەن كيەۆتٸ باسىپ الاتىنا سەنٸمدٸ بولعانى انىق. بٸراق ەسكەرٸنٸڭ سيقى مەلٸم بولعاننان كەيٸن موبيليزاتسييا جاساۋعا مەجبٷر بولدى. سٶزٸندە تۇرماي, ۋەدەسٸن بۇزدى.
ال ونىڭ سوڭى سوعىسقا جارامدى ورىستاردىڭ جاپپاي ەلدەن قاشۋىنا ەكەپ سوققانىنا بەرٸمٸز بٸلەمٸز.
وسىلايشا "ۋرا پاتريوتتار" مەن "ديۆان باتىرلار" بٶتەن ەلگە باس ساۋعالاپ, ەلٸنەن قاشۋعا مەجبٷر بولدى. كٶرشٸلەس ەلدەرگە ٷدەرە كٶشكەن ورىستار ەندٸ بٸرازعا دەيٸن رەسەيگە اتتاپ باسپايتىنى انىق.
بٷگٸندە كرەمل ەسكەري موبيليزاتسييانىڭ اياقتالعانىن ايتىپ, سوعىستان قاشقان وتانداستارىن ەلگە قايتارۋعا تىرىسۋدا. بٸراق ساراپشىلار رەسەي بيلٸگٸ الداعى جىلدىڭ قاڭتارىنان باستاپ جاپپاي موبيليزاتسييانى قايتا باستايتىنىن ايتۋدا.
ەگەر بۇل سٶز راس بولسا, پۋتين بٸر موبيليزاتسيياعا قاتىستى ەكٸ رەت ٶتٸرٸك ايتقان ساياساتكەر رەتٸندە تاريحتا قالايىن دەپ تۇر.
جالپى بۇل سوعىس باستالعالى بەرٸ پۋتيننٸڭ ٶتٸرٸك ايتۋدىڭ حاس شەبەرٸ ەكەنٸنە كٶزٸمٸز جەتە تٷستٸ.
تامىز ايىندا ورىس ەسكەرٸ ۋكراينا جەرٸندە ويسىراي جەڭٸلٸپ جاتقاندا پۋتين "بٸز ەلٸ سوعىسقا شىنداپ كٸرٸسكەن جوقپىز" دەپ بەتٸ بٷلك ەتپەستەن ٶتٸرٸك ايتقان ەدٸ.
دەل سول سەتتە پۋتين مەسكەۋدە لەپٸرٸپ ەڭگٸمەي ايتىپ, تۇتاس ورىستىڭ قۇلاعىنان تەۋٸپ جاتقاندا پۋتيننٸڭ اسپازشىسى ھەم "ۆاگنەر" جەكە ەسكەري كومپانيياسىنىڭ قوجايىنى ەۆگەنيي پريگوجين رەسەيدٸڭ تٷرمەلەرٸن ارالاپ ۋكرايناعا قارسى سوعىسۋعا زەكتەردٸ ٷگٸتتەپ جٷرگەن ەدٸ. نەسٸن ايتاسىز, پۋتين مەن پريگوجين ۋكرايناداعى سوعىستى وسىلايشا تسيرككە اينالدىرعانىن ٶزدەرٸ سەزبەي وتىرعان سىڭايلى.
قىركٷيەكتە رەسەي قورعانىس مينيسترٸ سەرگەي شويگۋ جارتىلاي موبيليزاتسييانى جارييا ەتكەندە ەسكەري وپەراتسييا باستالعالى بەرٸ رەسەي بەس مىڭنان استام ساربازىنان ايىرىلعانىن ايتىپ, ٶتٸرٸكتٸ سوقتى.
ەگەر بۇل سوعىستا رەسەي شىنىمەندە بەس مىڭ ەسكەرٸنەن ايىرىلسا, موبيليزاتسييا جاساپ, ەۋٸرەگە تٷسپەس ەدٸ. موبيليزاتسييا ورىس ەسكەرٸنٸڭ ٷلكەن شىعىنعا ۇشىراعانىن مەڭزەيدٸ. ال ونى پۋتيننٸڭ مويىنداعىس جوق.
ۋكراينا مەن باتىستىڭ بارلاۋ قىزمەتٸ بۇل سوعىستا رەسەيدٸڭ 80 مىڭنان استام ساربازىنان ايىرىلعانىن العا تارتۋدا. رەسەيدٸڭ ەسكەري موبيليزاتسييانى قولعا العانىنا قاراپ, شىنىمەن دە كرەملدٸڭ 80 ساربازىنان ايىرىلعانىن توپشىلاۋعا بولادى. ٶيتكەنٸ ٶتٸرٸك ايتۋعا ەبدەن داعدىلانعان پۋتينشٸلەر ەش ۋاقىتتا شىندىقتى ايتپايتىنى انىق.
نۇرلان جۇماحان
