بۇل تۋرالى Dalanews.kz حابارلايدى.
ساراپشىنىڭ پٸكٸرٸنشە سوعىستىڭ ٶتٸندە جٷرگەندەردٸڭ اراسىندا مەسكەۋدٸڭ تۇرعىندارىن ساۋساقپەن ساناپ الاسىز. ەسەسٸنە, بۇراتانا ۇلتتاردىڭ ٶكٸلدەرٸ پۋتين ٷشٸن جانىن بەرۋگە ەزٸر.
كرەمل كٶسەمٸ ٸرٸ قالالاردىڭ تۇرعىندارىن ەسكەر قاتارىنا شاقىرۋدان سەسكەنەدٸ, مۇنىڭ سوڭى ەرەۋٸلگە ۇلاسادى دەپ قاۋٸپتەنەدٸ.
"ۋكراين جەرٸندە قازا تاپقان باسقىنشىلاردىڭ كٶپشٸلٸگٸ رەسەيدٸڭ شالعاي ٶڭٸرٸنەن شاقىرتىلعان ازاماتتار. بۇلاردىڭ باسىم كٶپشٸلٸگٸ بولاشاعى بۇلدىر, يت بايلاسا تۇرمايتىن, دەپرەسسيۆتٸ ەلدٸ-مەكەندەر. مەسكەۋ سەكٸلدٸ مەگاپوليستەردٸڭ تۇرعىندارى قولىن قانعا مالعاندى قالامايدى. پۋتيننٸڭ قانقۇيلى جوسپارىن جٷزەگە اسىرۋ بۋرياتييا مەن داعىستاننىڭ تۇرعىندارىنا جٷكتەلگەن سىندى. رەسەيدٸڭ ىڭىرشاعى شىققان كەدەي ٶڭٸرلەر پۋتيندٸ پٸر تۇتادى..." – دەيدٸ ورەشكين.
ونىڭ اتاپ ٶتكەنٸندەي رەسەي تۇرعىندارى پۋتين شاپقىنشىلىعىن باسىبٷتٸن قولدامايدى. بۇعان جان-تەنٸمەن قارسى, پروپاگاندانىڭ ۋاعىزىنا الدانبايتىن, كرەملدٸڭ ساياساتىنا تٸسٸن قايراپ جٷرگەن اۋديتورييانىڭ قاراسى ۇلعايىپ كەلەدٸ.
مەسكەۋ تەرٸزدٸ ٸرٸ قالالاردا رەسەي اگرەسسيياسىن تۇرعىنداردىڭ ەرٸ كەتكەندە 15 پايىزى عانا قولدايدى. ٶزگەلەرٸ ٸشتەن تىنىپ جٷر.
"پۋتين ٸرٸ قالالاردان سارباز شاقىرتار بولسا, مۇنىڭ سوڭى ايعاي-شۋعا, دٷربەلەڭگە ۇلاسادى. ٶركەنيەتتٸ ٶمٸردٸڭ دەمٸن تاتىپ, باتىستىڭ قۇندىلىقتارىن قابىلداعان كٶزٸ اشىق رەسەيلٸكتەر قولىنا قارۋ الىپ, بٶگدە ەلدٸڭ تىنىشتىعىن بۇزۋعا قارسى. وسى سەبەپتٸ دە ۋكراين جەرٸندە كرەملدٸڭ دوتاتسيياسىندا وتىرعان – شەشەندەر, داعىستاندار, بۋرياتتار سوعىسىپ جٷر", – دەيدٸ ورەشكين.
ساراپشىنىڭ پٸكٸرٸنشە, بۇل قۇبىلىستى ايتىپ تٷسٸندٸرۋ مٷمكٸن ەمەس. ەدەتتە, جوقشىلىقتان, تاپشىلىقتان جٷيكەسٸ جۇقارعان ٶڭٸرلەر پاتشانىڭ باسقىنشى ساياساتىنا قارسى شىعىپ, سوعىسقا جۇمسالعان ايلاپات اقشانى, حالىققا قايتارۋدى تالاپ ەتۋٸ كەرەك ەدٸ.
رەسەيدٸڭ جاعدايىندا كرەمل كٶسەمٸ ٶز پايىمى جوق, پروپاگاندانىڭ دەگەنٸنە كٷمەنسٸز سەنەتٸن, پۋتيندٸ قۇداي سانايتىن كەدەي-كەپشٸككە ارقا سٷيەپ وتىر. ۋكراين جەرٸندە وققا ۇشىپ, سٷيەگٸ كٶمۋسٸز قالىپ جاتقان دەل وسى اۋديتورييا.
