مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىن ورىنداۋ ماقساتىندا ۇكىمەت قازاقستان، ازەربايجان، تۇركيا جانە قازاقستان مەن گرۋزيا اراسىنداعى 2027 جىلعا دەيىنگى كەدەرگىلەردى جويۋ جانە ورتا ءدالىزدى دامىتۋ جونىندەگى جول كارتاسىن ىسكە اسىرۋ بويىنشا جۇمىس جۇرگىزۋدە، بۇل ءدالىزدىڭ وتكىزۋ مۇمكىندىگىن جىلىنا 10 ملن تونناعا دەيىن ارتتىرۋعا مۇمكىندىك بەرەدى.
شىعىستان باتىسقا ترانزيتتىك جۇكتەردىڭ جەتكىلىكتى كولەمىن قامتاماسىز ەتۋ ءۇشىن 2023 جىلعى قاراشادا قىتايمەن ترانسكاسپيي حالىقارالىق كولىك باعىتىن دامىتۋ، سونىڭ ىشىندە جۇڭگو مەن ەۋروپا اراسىنداعى كونتەينەرلىك پويىزدار بويىنشا ءبىرقاتار كەلىسىمگە قول قويىلدى. بۇل كەلىسىمدەر 2024 جىلعى 1 شىلدەدە قازاقستان رەسپۋبليكاسىنىڭ زاڭىمەن راتيفيكاسيالاندى.
باعىتتىڭ تارتىمدىلىعى مەن باسەكەگە قابىلەتتىلىگىن ارتتىرۋ ءۇشىن ونىڭ بۇكىل بويىندا ءبىرىڭعاي مۋلتيمودالدى سەرۆيس قۇرىلدى.
قازاقستان، ازەربايجان جانە گرۋزيانىڭ تەمىرجول اكىمشىلىكتەرى اراسىندا «استانا» حالىقارالىق قارجى ورتالىعىنىڭ بازاسىندا بىرىككەن كولىك-لوگيستيكالىق كومپانيامەن ۇقساستىق بويىنشا باعىتتى جۇيەلى پايدالانۋ ءۇشىن Middle Corridor Multimodal Ltd بىرلەسكەن كاسىپورنى قۇرىلدى. بۇل پروسەستە كولىك وپەراسيالارىن سيفرلاندىرۋ ءارى وڭتايلاندىرۋ، سونىڭ ىشىندە شەكارادان ءوتۋ جانە تەرمينالدىق پروسەدۋرالار ماڭىزدى ءرول اتقارادى.
«ءبىرىڭعاي تەرەزە» قاعيداتى بويىنشا لوگيستيكالىق سەرۆيستى جاقسارتۋ «Global DTC Kazakhstan Ltd» (PSA مۇشەسى) ازىرلەگەن DTC (Digital Trade Corridor) – Tez customs پلاتفورماسىنىڭ كەدەندىك مودۋلىمەن «قتج» ۇك» اق IT-جۇيەلەرىن تەحنيكالىق ينتەگراسيالاۋ بويىنشا جۇمىس جۇرگىزىلدى. 2023 جىلعى 5 جەلتوقساندا قتج مەن Global DTC Kazakhstan Ltd اراسىنداعى DTC پلاتفورماسىن ەنگىزۋ بويىنشا ءوزارا ءىس-قيمىلدىڭ جول كارتاسى بەكىتىلدى. قازىرگى ۋاقىتتا قازاقستان مەن ازەربايجان تەمىر جولدارىنىڭ اقپاراتتىق جۇيەلەرى پلاتفورماعا بىرىكتىرىلگەن، سونىمەن قاتار گرۋزيا تەمىرجولدارىمەن وسىنداي جۇمىستار پىسىقتالۋدا.
2023 جىلى «Xi'an Free Trade Port Construction and Operation Co.Ltd» كومپانياسى جانە «قتج» ۇك» اق-نىڭ («كەدەنترانسسەرۆيس» اق وكىلى) قاتىسۋىمەن قۇرىلعان «قىتاي-قازاقستان ساۋدا-لوگيستيكا كومپانياسى» ج ش س بىرلەسكەن كاسىپورنى اياسىندا سيان قالاسىنىڭ قۇرعاق پورتىندا تەرمينال سالىندى. 2024 جىلعى 28 اقپاندا اشىلعان تەرمينال قازاقستان باعىتىندا جۇرەتىن بارلىق كونتەينەرلىك پويىزداردىڭ 40%-ىن بىرىكتىرەدى، بۇل تحكب بويىنشا ترانزيتتىك تاسىمالداردىڭ ايتارلىقتاي وسۋىنە ىقپال ەتتى. جىل باسىنان بەرى قىتايدان تحكب ءترانزيتى ەكى ەسەگە جۋىق ءوسىم كورسەتتى.
2023 جىلدىڭ قورىتىندىسى بويىنشا تحكب باعىتى بويىنشا تاسىمالداۋ كولەمى 2022 جىلمەن سالىستىرعاندا 65%-عا ارتىپ، 2،76 ملن توننانى قۇرادى (2022 جىلى-1،7 ملن توننا). 2024 جىلدىڭ 7 ايىنىڭ قورىتىندىسى بويىنشا تاسىمالداۋ وتكەن جىلمەن سالىستىرعاندا (1،57 مىڭ توننا) 63%-عا ارتىپ، 2،56 ملن توننانى قۇرادى.
بۇل جەتىستىكتەر سەرىكتەستەرمەن بىرلەسىپ جۇمىس ىستەۋدىڭ تيىمدىلىگىن كورسەتەدى جانە ورتا ءدالىزدى دامىتۋدىڭ ماڭىزىن راستايدى. ونىڭ تۇراقتى ءارى باسەكەگە قابىلەتتى باعىت رەتىندە قالىپتاسۋىنا ءدالىز بويىنداعى ەلدەر عانا ەمەس، سونىمەن قاتار وڭتۇستىك-شىعىس ازيا، پارسى شىعاناعى جانە ەۋروپا ايماقتارى دا قىزىعۋشىلىق تانىتادى.
