Memleket basshysynyń «Ádiletti Qazaqstannyń ekonomikalyq baǵdary» atty Qazaqstan halqyna Joldaýyn oryndaý maqsatynda Úkimet Qazaqstan, Ázerbaijan, Túrkiia jáne Qazaqstan men Grýziia arasyndaǵy 2027 jylǵa deiingi kedergilerdi joiý jáne Orta dálizdi damytý jónindegi Jol kartasyn iske asyrý boiynsha jumys júrgizýde, bul dálizdiń ótkizý múmkindigin jylyna 10 mln tonnaǵa deiin arttyrýǵa múmkindik beredi.
Shyǵystan Batysqa tranzittik júkterdiń jetkilikti kólemin qamtamasyz etý úshin 2023 jylǵy qarashada Qytaimen Transkaspii halyqaralyq kólik baǵytyn damytý, sonyń ishinde Qytai men Eýropa arasyndaǵy konteinerlik poiyzdar boiynsha birqatar kelisimge qol qoiyldy. Bul kelisimder 2024 jylǵy 1 shildede Qazaqstan Respýblikasynyń Zańymen ratifikatsiialandy.
Baǵyttyń tartymdylyǵy men básekege qabilettiligin arttyrý úshin onyń búkil boiynda biryńǵai mýltimodaldy servis quryldy.
Qazaqstan, Ázerbaijan jáne Grýziianyń temirjol ákimshilikteri arasynda «Astana» Halyqaralyq qarjy ortalyǵynyń bazasynda birikken kólik-logistikalyq kompaniiamen uqsastyq boiynsha baǵytty júieli paidalaný úshin Middle Corridor Multimodal Ltd birlesken kásiporny quryldy. Bul protseste kólik operatsiialaryn tsifrlandyrý ári ońtailandyrý, sonyń ishinde shekaradan ótý jáne terminaldyq protsedýralar mańyzdy ról atqarady.
«Biryńǵai tereze» qaǵidaty boiynsha logistikalyq servisti jaqsartý «Global DTC Kazakhstan Ltd» (PSA múshesi) ázirlegen DTC (Digital Trade Corridor) – Tez customs platformasynyń Kedendik modýlimen «QTJ» UK» AQ IT-júielerin tehnikalyq integratsiialaý boiynsha jumys júrgizildi. 2023 jylǵy 5 jeltoqsanda QTJ men Global DTC Kazakhstan Ltd arasyndaǵy DTC platformasyn engizý boiynsha ózara is-qimyldyń Jol kartasy bekitildi. Qazirgi ýaqytta Qazaqstan men Ázerbaijan temir joldarynyń aqparattyq júieleri platformaǵa biriktirilgen, sonymen qatar Grýziia temirjoldarymen osyndai jumystar pysyqtalýda.
2023 jyly «Xi'an Free Trade Port Construction and Operation Co.Ltd» kompaniiasy jáne «QTJ» UK» AQ-nyń («Kedentransservis» AQ ókili) qatysýymen qurylǵan «Qytai-Qazaqstan saýda-logistika kompaniiasy» JShS birlesken kásiporny aiasynda Sian qalasynyń qurǵaq portynda terminal salyndy. 2024 jylǵy 28 aqpanda ashylǵan terminal Qazaqstan baǵytynda júretin barlyq konteinerlik poiyzdardyń 40%-yn biriktiredi, bul THKB boiynsha tranzittik tasymaldardyń aitarlyqtai ósýine yqpal etti. Jyl basynan beri Qytaidan THKB tranziti eki esege jýyq ósim kórsetti.
2023 jyldyń qorytyndysy boiynsha THKB baǵyty boiynsha tasymaldaý kólemi 2022 jylmen salystyrǵanda 65%-ǵa artyp, 2,76 mln tonnany qurady (2022 jyly-1,7 mln tonna). 2024 jyldyń 7 aiynyń qorytyndysy boiynsha tasymaldaý ótken jylmen salystyrǵanda (1,57 myń tonna) 63%-ǵa artyp, 2,56 mln tonnany qurady.
Bul jetistikter seriktestermen birlesip jumys isteýdiń tiimdiligin kórsetedi jáne Orta dálizdi damytýdyń mańyzyn rastaidy. Onyń turaqty ári básekege qabiletti baǵyt retinde qalyptasýyna dáliz boiyndaǵy elder ǵana emes, sonymen qatar Ońtústik-Shyǵys Aziia, Parsy shyǵanaǵy jáne Eýropa aimaqtary da qyzyǵýshylyq tanytady.
