مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا جەر قاتىناستارىنا قاتىستى تٷيتكٸلدەردٸ شەشۋ جٶنٸندە بٸرقاتار ناقتى تاپسىرما بەردٸ. پرەزيدەنتتٸڭ ايتۋىنشا, اۋىل شارۋاشىلىعى جەرلەرٸنٸڭ بار يگٸلٸگٸ ەلدٸڭ دامۋىنا جەنە حالىقتىڭ تۇرمىسىن جاقسارتۋعا جۇمسالۋى كەرەك, دەپ حابارلايدى Dalanews.kz.
«مەن يگەرٸلمەي بوس جاتقان جەنە زاڭسىز الىنعان اۋىل شارۋاشىلىعى جەرلەرٸن كەرٸ قايتارىپ, ونى قايتا بٶلۋ تۋرالى تاپسىرما بەردٸم. جەر يەسٸز قالماۋعا تيٸس, جەردٸ تەك قانا ونىڭ قادٸرٸن بٸلەتٸن ازاماتتارعا بەرۋ كەرەك», – دەدٸ توقاەۆ.
ونىڭ دەرەگٸنشە, 2022 جىلدان بەرٸ جالپى اۋماعى 13,5 ميلليون گەكتاردان استام جەر مەملەكەت مەنشٸگٸنە قايتارىلعان. الايدا ەكٸمدٸكتەر سونىڭ تەك 6 ميلليون گەكتارىن عانا جاڭا جەر يگەرۋشٸلەرگە بٶلٸپ ٷلگەرگەن.
«يەسٸن تاپقان جەر ٶندٸرٸستٸڭ وشاعىنا, ينۆەستيتسييا كٶزٸنە, قايناعان ەڭبەكتٸڭ ورتاسىنا اينالۋى قاجەت. بۇل – انىق نەرسە», – دەپ اتاپ ٶتتٸ پرەزيدەنت.
وسىعان بايلانىستى ٶڭٸر ەكٸمدەرٸنە قايتارىلعان جەردٸڭ بەرٸن كەلەسٸ جىلدىڭ ورتاسىنا دەيٸن تۇراقتى اينالىمعا ەنگٸزۋ تاپسىرىلدى. بۇل شارا جايىلىم تاپشىلىعىن شەشۋگە دە مٷمكٸندٸك بەرەدٸ.
سونىمەن قاتار مەملەكەت باسشىسى جەر قاتىناستارىنا قاتىستى زاڭسىزدىق پەن قاعازباستىلىقتى جويۋدىڭ ماڭىزدىلىعىنا توقتالدى.
«اۋىل شارۋاشىلىعى جەرلەرٸن بٶلۋ تەسٸلدەرٸن تٷبەگەيلٸ ٶزگەرتۋ كەرەك. جەردٸ بٶلۋگە قاتىستى شەشٸم تسيفرلىق فورماتتا, ەلەكتروندى كونكۋرستار ارقىلى قابىلدانۋعا تيٸس. ٷكٸمەت جىل سوڭىنا دەيٸن زاڭناماعا تيٸستٸ ٶزگەرتۋلەر ۇسىنۋى قاجەت», – دەدٸ ول.
پرەزيدەنت بۇل سالادا تسيفرلىق تەحنولوگييالاردى كەڭٸنەن قولدانۋ قاجەتتٸگٸن دە ەرەكشە اتاپ ٶتتٸ. بٷگٸندە كوسمومونيتورينگ پەن گەوتالداۋ جٷيەسٸ پايدالانىلماي جاتقان جەرلەردٸ انىقتاۋعا سەپتٸگٸن تيگٸزۋدە. ەندٸ جاساندى ينتەللەكت ارقىلى جەردٸڭ ساپاسىنا, ەگٸننٸڭ شىعىمىنا جەنە داقىلداردىڭ جاي-كٷيٸنە تەرەڭ تالداۋ جاسالاتىن بولادى.
مەملەكەت باسشىسى بۇل تەسٸل ورمان شارۋاشىلىعىنا دا قاتىستى ەكەنٸن ەسكە سالدى. مەسەلەن, سولتٷستٸك قازاقستان وبلىسىندا 9 مىڭ گەكتار ورماننىڭ يەسٸز جاتقانى انىقتالعان.
سونداي-اق پرەزيدەنت بٸرىڭعاي تسيفرلىق جەر كارتاسىن ەزٸرلەۋدٸ تاپسىردى. بۇل جٷيەگە كاداسترلىق مەلٸمەتتەرمەن بٸرگە ينفراقۇرىلىم جەنە جەر قويناۋىن پايدالانۋعا قاتىستى اقپارات تا ەنگٸزٸلمەك.
