پرەزيدەنت حالىقارالىق بالالاردى قورعاۋ كۇنىنە وراي الماتىدا ۇيىمداستىرىلعان «Jas Galym. Science Quest» فەستيۆالىنە بارىپ، بالالارمەن كەزدەستى.
جىل سايىن ءداستۇرلى تۇردە وتكىزىلەتىن فەستيۆال بيىل عىلىم تاقىرىبىنا ارنالعان. قاسىم-جومارت توقايەۆ قالا وقۋشىلارىمەن بىرگە «Science»، «Engeneering»، «Art»، «Technology» جانە «Mathematics» ستانسيالارىن ارالاپ كوردى. كۆەست فورماتىندا ۇيىمداستىرىلعان شارادا وقۋشىلار وزدەرىنىڭ عىلىمي جوبالارىن تانىستىردى.
مەملەكەت باسشىسى بالالاردى مەرەكەمەن قۇتتىقتاپ، كەلەشەك ۇرپاققا زور ءۇمىت ارتاتىنىن ايتتى. سونداي-اق جەتكىنشەكتەردىڭ عىلىمي ىزدەنىسى مەن شىعارماشىلىعىن شىڭداۋعا ۇلەس قوسقانى ءۇشىن فەستيۆال ۇيىمداستىرۋشىلارىنا ريزاشىلىعىن ءبىلدىردى.
