Prezıdent Halyqaralyq balalardy qorǵaý kúnine oraı Almatyda uıymdastyrylǵan «Jas Galym. Science Quest» festıvaline baryp, balalarmen kezdesti.

Jyl saıyn dástúrli túrde ótkiziletin festıvál bıyl ǵylym taqyrybyna arnalǵan. Qasym-Jomart Toqaev qala oqýshylarymen birge «Science», «Engeneering», «Art», «Technology» jáne «Mathematics» stansıalaryn aralap kórdi. Kvest formatynda uıymdastyrylǵan sharada oqýshylar ózderiniń ǵylymı jobalaryn tanystyrdy.

Memleket basshysy balalardy merekemen quttyqtap, keleshek urpaqqa zor úmit artatynyn aıtty. Sondaı-aq jetkinshekterdiń ǵylymı izdenisi men shyǵarmashylyǵyn shyńdaýǵa úles qosqany úshin festıvál uıymdastyrýshylaryna rızashylyǵyn bildirdi.