پوليتسەيلەر قىرعىز كٶلٸكتەرٸنە تاعى دا شٷيلٸكتٸ
تٶلەنبەگەن ايىپپۇل كٶلەمٸ بويىنشا ەكٸنشٸ ورىندا تۇرعان الماتى وبلىسىنىڭ تەرتٸپ ساقشىلارى كٶلٸك جٷرگٸزۋشٸلەرٸنە شٷيلٸكتٸ. پروكۋراتۋرا قىزمەتكەرلەرٸمەن بٸرلەسە جول بويىنا شىققان پوليتسەيلەر زاڭدى ٶرەسكەل بۇزعان مەن ايىپپۇلى جينالعانداردى انىقتاپ, قىرعىز كٶلٸكتەرٸن جاپپاي تۇراققا قويدى.
– ەندٸ ەستٸپ جاتىرمىز بولمايتىنىن. تەك قىرعىز ازاماتى ايداۋ كەرەك ەكەنٸن. ەندٸ قىرعىز كٶلٸگٸمەن جٷرمەيتٸن بولامىز, – دەيدٸ جٷرگٸزۋشٸلەردٸڭ بٸرٸ.
«بورىشكەر» ارنايى شاراسىنا بٸلەك سىبانا كٸرٸسكەن پوليتسەيلەر جول ەرەجەسٸن ەلەمەيتٸن ونداعان جٷرگٸزۋشٸگە حاتتاما تولتىرىپ, كٶلٸكتەرٸن تۇراققا توعىتتى. قىرعىز كٶلٸگٸن تٸزگٸندەگەندەر العاشىندا قازاقستان اۋماعىندا زاڭسىز جٷرگەندەرٸن مويىنداعىسى كەلمەدٸ.
«جٷرگٸزٸلٸپ جاتقان «بورىشكەر» شاراسى بٸر كٷندٸك جۇمىس ەمەس, كٷندەلٸكتٸ جٷرگٸزٸلە بەرەدٸ. تەك جامبىل اۋدانى ەمەس, بٷكٸل الماتى وبلىسى بويىنشا. سوندىقتان جٷرگٸزۋشٸلەرگە قوسىمشا ەسكەرتٸپ جاتىرمىز», – دەدٸ جامبىل اۋداندىق ٸٸب باسشىسىنىڭ ورىنباسارى المات راقىمباەۆ.
بٸر ساعاتتا مەملەكەتتٸك تٸركەۋ نٶمٸرٸ جوق 3 كٶلٸك پەن مٷلدەم قۇجاتى جوق تٶرت كٶلٸك انىقتالدى. ال قىرعىز نٶمٸرلٸ 7 كٶلٸكتٸڭ جٷرگٸزۋشٸلەرٸنە حاتتاما تولتىرىلدى. قازاقستاندا زاڭسىز جٷرگەن كٶرشٸ ەلدٸڭ كٶلٸكتەرٸن قىسپاققا الۋ جالعاسا بەرمەك.
دەرەككٶزٸ: stan.kz
