Politseiler qyrǵyz kólikterine taǵy da shúilikti
Tólenbegen aiyppul kólemi boiynsha ekinshi orynda turǵan Almaty oblysynyń tártip saqshylary kólik júrgizýshilerine shúilikti. Prokýratýra qyzmetkerlerimen birlese jol boiyna shyqqan politseiler zańdy óreskel buzǵan men aiyppuly jinalǵandardy anyqtap, qyrǵyz kólikterin jappai turaqqa qoidy.
– Endi estip jatyrmyz bolmaitynyn. Tek qyrǵyz azamaty aidaý kerek ekenin. Endi qyrǵyz kóligimen júrmeitin bolamyz, – deidi júrgizýshilerdiń biri.
«Boryshker» arnaiy sharasyna bilek sybana kirisken politseiler jol erejesin elemeitin ondaǵan júrgizýshige hattama toltyryp, kólikterin turaqqa toǵytty. Qyrǵyz kóligin tizgindegender alǵashynda Qazaqstan aýmaǵynda zańsyz júrgenderin moiyndaǵysy kelmedi.
«Júrgizilip jatqan «Boryshker» sharasy bir kúndik jumys emes, kúndelikti júrgizile beredi. Tek Jambyl aýdany emes, búkil Almaty oblysy boiynsha. Sondyqtan júrgizýshilerge qosymsha eskertip jatyrmyz», – dedi Jambyl aýdandyq IIB basshysynyń orynbasary Almat Raqymbaev.
Bir saǵatta memlekettik tirkeý nómiri joq 3 kólik pen múldem qujaty joq tórt kólik anyqtaldy. Al qyrǵyz nómirli 7 kóliktiń júrgizýshilerine hattama toltyryldy. Qazaqstanda zańsyz júrgen kórshi eldiń kólikterin qyspaqqa alý jalǵasa bermek.
Derekkózi: stan.kz
