شەرزات بولاتتى ٶلتٸرۋ ٸسٸ بويىنشا ٶتٸپ جاتقان سوت پروتسەسٸندە كەمەلەتكە تولماعان ايىپتالۋشى دۋمان ىسقاقتان جاۋاپ الىندى, دەپ حابارلايدى Dalanews.kz.
ونىڭ ايتۋىنشا, قايعىلى وقيعا بولعان كٷنٸ نۇربول توقتاۋباەۆ وعان حابارلاسىپ, كٶلٸك جٷرگٸزٸپ بەرۋٸن سۇراعان. سەبەبٸ توقتاۋباەۆتىڭ ٶزٸ ٸشٸمدٸك ٸشكەن ەكەن.
“نۇربول “دارحان ەسكەنتاي دٷكەنگە اقىسىن تٶلەپ قويدى, بارىپ تاعى دا سۇرايىق” دەدٸ. سٶيتٸپ “قاماجاي” دٷكەنٸنە قايتا باردىق”, — دەدٸ ىسقاق.
ونىڭ ايتۋىنشا, ولار دٷكەنگە جەتكەندە دارحان ەسكەنتاي سىرتتا تۇرعان. الايدا نە بولىپ جاتقانىن ناقتى كٶرمەگەنٸن ايتتى.
“دٷكەن جارىعىنىڭ شاعىلىسۋىنان ەشتەڭە انىق كٶرٸنبەدٸ. ادامداردىڭ بەت-ەلپەتٸن اجىراتا المادىم”, — دەيدٸ ول.
سوتتا ىسقاققا “شەرزات بولاتتىڭ دوستارى اگرەسسييا كٶرسەتتٸ مە?” دەگەن سۇراق قويىلدى.
“ەڭگٸمە بارىسىندا ولار ٶزدەرٸن سەل قاتقىل ۇستادى”, — دەپ جاۋاپ بەردٸ سوتتالۋشى.
مەملەكەتتٸك ايىپتاۋشى دانا سەرسەنباي ايىپتالۋشى دۋمان ىسقاقتان تەرگەۋ كەزٸندە بەرگەن جاۋابىندا شىناسىلدىڭ قولىنان مىلتىق پەن پىشاق كٶرگەنٸن ەسٸنە سالدى.
“پىشاقتى سٷرتٸپ جاتقانىن كٶردٸم, ال مىلتىق تٸرەلٸپ تۇرعان. پىشاقتىڭ قاي جەرٸن سٷرتٸپ جاتقانىن ناقتى بٸلمەيمٸن, سابىن عوي دەيمٸن. نە ٷشٸن سٷرتكەنٸن بٸلمەيمٸن”, - دەپ جاۋاپ بەردٸ ول.
