"بۇگىنگى قازاقستان بيلىگى تۇگەلدەي قازاقتاردان تۇرادى. ساياساتتى، زاڭدى، اتقارۋشى جانە ورىنداۋشى بيلىكتى، ەكونوميكانى، ءبىلىمدى، عىلىمدى، مادەنيەتتى، اقپاراتتى، الەۋمەتتىك سالانى - قازاقتار بيلەپ-توستەپ وتىر.
الايدا بۇدان قازاق ۇلتىنا قايىر جوق. قازاقشا سويلەپ، قازاقشا ويلايتىن اۋىل قازاعى، قالاداعى قاراپايىم قازاق ۇلتتىق بايلىققا ورتاقتاسا المايدى" – دەپ ەسەپتەيدى سۆويك مىرزا.
ونىڭ پىكىرىنشە قازاقستانداعى بيلىك قازاق ۇلتىنا ەمەس، وسى ۇلتتان "جاساقتالعان" ات توبەلىندەي توپقا تيەسىلى.
"شىندىعىندا مۇنداي قازاقستاننىڭ مەملەكەتتىك ءتىلى - ورىس ءتىلى. قازاق بيلىگى ورىس تىلىمەن قاتار، قازاق ءتىلىن دە قولدانۋعا تىرىسادى. ءبىراق بۇل انشەيىن كوزالداۋ، ىرىمىن جاساعان بولادى. قالادا تۇراتىن قازاقتىڭ كوپشىلىگى - ءورىستىلدى نەمەسە ەكى ءتىلدى دە جەتىك مەڭگەرگەن.
بۇعان قوسا قالالىق جەردە ارالاس نەكە كوپ. قازاق پەن ورىس قانا وتاۋ قۇرىپ جاتقان جوق، قازاق پەن كارىس، تاتار، وزبەك، ۇيعىر، ەۆرەي جانە باسقانىڭ قانى شيماي-شاتپاقتانىپ كەتكەن. بۇگىنگى قازاق بيلىگىنىڭ باسىندا وتىرعان الگى ات توبەلىندەي توپ قازاقىلىعىنان الدەقاشان ايىرىلعان"، – دەيدى پەتر سۆويك.
